గ్యాస్ అనగానే గుండె గుబేల్ మంటుంది.. ఎందుకంటే.. ప్రపంచవ్యాప్తంగా ఇప్పుడు ఎక్కడ చూసినా గ్యాస్ ముచ్చటే నడుస్తుంది. ఇంట్లో గ్యాస్ మంట ఎప్పుడు ఆగిపోతుందో తెలియని పరిస్థితి.. ప్రస్తుతం గ్యాస్ ను చాలా పొదుపుగా వాడుకోవాల్సిన పరిస్థితులు ఉన్నాయి. ఎప్పుడు పడితే.. అప్పుడు కాఫీ కోసం... చిరుతిళ్ల కోసం గ్యాస్ వెలిగించారా చుక్కలు చూడాల్సిందే.. ఇలాంటి పరిస్థితిలో మీరు వాడుతున్న సిలెండర్ లో గ్యాస్ ఎంత ఉందో సింపుల్ గా ఎలా తెలుసుకోవాలో ఈ స్టోరీలో చూద్దాం. . . !
అమెరికా.. ఇజ్రాయిల్.. ఇరాన్ మధ్య జరుగుతున్న ఉద్రిక్త పరిస్థితుల కారణంగా గ్యాస్ సక్షోభం ఏర్పడే పరిస్థితులున్నాయి. ఇప్పటికే గ్యాస్ బుక్ చేసి15 రోజులైనా సిలిండర్ ఇంటికి రాని పరిస్థితి. ఇలాంటి సిట్యూవేషన్ లో ఇంట్లో వాడుతున్న సిలెండర్ ఇంకాఎన్ని రోజులు వస్తుంది..ఎలా అంచనా వేయాలి.
సిటీలో ప్రతి ఇంట్లో కచ్చితంగా గ్యాస్ పొయ్యి వాడాల్సిందే.. పల్లెల్లో అయితే విశాలమైన స్థలం.. ఇంటి ఎదుట ఖాళీ స్థలం ఉంటుంది. కట్టెలపొయ్యి పెట్టుకొనే అవకాశాలున్నాయి.. ఇప్పుడు అక్కడ కూడా గ్యాస్ పొయ్యే వాడుతున్నారనుకోండి..ఇదంతా ఇప్పుడు ఎందుకంటారా.. భారతదేశంలో గ్యాస్ సంక్షోభం ఏర్పడే పరిస్థితులున్నాయి. మనం ప్రస్తుతం వాడుతున్న సిలెండర్ను చాలా జాగ్రత్తగా వాడుకోవాల్సిన పరిస్థితులు వచ్చేశాయి.
గ్యాస్ ను ఐరన్ సిలెండర్ లో స్టోర్ చేస్తారు. అందువలన సిలెండర్ లో ఎంత గ్యాస్ ఉందో తెలుసుకోవడం చాలాకష్టం.. సింగిల్ సిలెండర్.. గ్యాస్ అయిపోయిందా.. వంట కష్టాలు అన్నీ ఇన్నీ కావు. అందుకే ముందుగా సిలెండర్ లో ఎంత గ్యాస్ ఉందో తెలుసుకోవాలి.
సిలెండర్లో గ్యాస్ ఎంత ఉంది.. ఇంకా అది ఎన్ని రోజులు వస్తుంది. అనే విషయాలను తడిగుడ్డతో చాలా సింపుల్గా తెలుసుకోవచ్చంటున్నారు. సాధారణంగా గ్యాస్ ఇంధనం (LPG) చాలా చల్లగా.. చాలా కూల్గా ఉంటుంది.
సిలెండర్ లో గ్యాస్ ఎంతరకు ఉందో తెలుసుకోవాలంటే....
- ముందుగా క్లాత్ ను అంతా నీళ్లలో బాగా తడపాలి. తరువాత నీళ్లను గట్టిగా పిండాలి.
- సిలెండర్ను పైనుంచి కిందవరకు తడిగుడ్డతో తుడవాలి.
- ఇప్పుడు సిలెండర్ ను జాగ్రత్తగా పరిశీలిస్తే... గ్యాస్ లేకుండా ఖాళీగా ఉన్న సిలెండర్ భాగంలో త్వరగా తడి ఆరిపోతుంది. గ్యాస్ ఉన్న భాగం మాత్రం తడి ఆరడానికి సమయం పడుతుంది.
- ఇప్పుడు ఎక్కడవరకు అయితే త్వరగా ఆరిపోయిందో అక్కడ చిన్న పాటి కలర్ మార్క్ను ఉంచుకోవాలి.
- మరల తరువాత రోజు కూడా అలానే చేయాలి. అప్పుడు కూడా కలర్ మార్క్ పెట్టుకొంటే మనము రోజుకు ఎంత గ్యాస్ వాడుతున్నామో అంచనా వేసేందుకు అవకాశం ఉంటుంది.
- దీనిని బట్టి ఇంకా ఎన్ని రోజులు గ్యాస్ సిలెండర్ వస్తుందో తెలుసుకోవచ్చు కదా..!
మరో పద్దతి..
గ్యాస్ సిలెండర్ పైనుంచి కింద వరకు తడిచేలా నీళ్లు పోయండి. పూర్తిగా తడిచిన తరువాత..చేతితో సిలెండర్ ను టచ్ చేయాలి. గ్యాస్ లేని భాగం కొద్దిగా వేడిగా.. గ్యాస్ ఉన్న భాగం చేతికి చల్లగా ఉంటుంది.
ఇంకో పద్దతి కూడా ఉంది. కాని ఇది అందుబాటులో ఉండదు. గ్యాస్ సిలెండర్ బరువు 15.3 నుంచి 15.5 కిలోలు ఉంటుంది. కాని అందులో గ్యాస్ మాత్రం 14.2 కిలోలు మాత్రమే ఉంటుంది.
అంటే గ్యాస్ తో నిండి ఉన్న సిలెండర్బరువు29.7 కిలోలు ఉంటుంది. ప్రస్తుతం మీ సిలిండర్ 21 కిలోల బరువు ఉంటే అందులో నుంచి 15.5 కిలోలు మైనస్ చేయాలి. అంటే ఇంకా మీరు వాడుతున్న సిలెండర్లో గ్యాలో 5.5 కిలోలు ఉందని పక్కాగా లెక్క. మీరు ఈ సిలెండర్ వాడటం మొదలు పెట్టి ఎంతకాలమైందో పరిశీలిస్తే ఇంకా ఎన్ని రోజులు వస్తుందో అంచనా వేసేందుకు అవకాశం ఉంటుంది. అయితే గతంలో ఎన్నిగంటలు గ్యాస్ను ఉపయోగించాము.. ఇప్పుడు ఎన్ని గంటలు ఉపయోగిస్తున్నామో కూడా పరిగణనలోకి తీసుకోవాలి.
