హైదరాబాద్ రాయదుర్గంలోని ఓ అపార్ట్ మెంటులో అగ్నిప్రమాదం జరిగింది. రాయదుర్గం పోలీస్ స్టేషన్ పరిధిలోని ఏఐజీ హాస్పిటల్ దగ్గర ఉన్న మేఘ ఎడిఫైస్ అపార్ట్ మెంటులో అగ్ని ప్రమాదం జరిగింది. ఆదివారం ( నవంబర్ 30 ) జరిగిన ఈ ఘటనకు సంబంధించి వివరాలిలా ఉన్నాయి..
రాయదుర్గంలో ఏఐజీ హాస్పిటల్ దగ్గర ఉన్న మేఘ ఎడిఫైస్ అపార్ట్ మెంటులో నాలుగో ఫ్లోర్ లోని 401 ఫ్లాట్ లో మంటలు చెలరేగాయి.పూజ దీపం సోఫా మీద పడటంతో అగ్నిప్రమాదం జరిగింది. దీపం పడటంతో ఒక్కసారిగా మంటలు చెలరేగాయి.
ప్రమాదం జరిగిన సమయంలో ఇంట్లో ఎవరు లేకపోవడంతో పెను ప్రమాదం తప్పింది. సమాచారం అందుకున్న ఫైర్ సిబ్బంది ఘటనాస్థలానికి చేరుకొని మంటలను అదుపులోకి తెస్తున్నారు.
ఈ ఘటనలో ప్రాణనష్టం సంభవించకపోవడంతో అంతా ఊపిరి పీల్చుకున్నారు. ఘటనకు సంబంధించి పూర్తి వివరాలు తెలియాల్సి ఉంది.
