మోహన్ భగత్, సుప్రిత సత్యనారాయణ్, భూషణ్ కళ్యాణ్, రవీంద్ర విజయ్ కీలక పాత్రల్లో అజయ్ నాగ్ వి తెరకెక్కిస్తున్న చిత్రం ‘ఆరంభం’. అభిషేక్ వీటీ నిర్మిస్తున్నారు. ఈ ఎమోషనల్ థ్రిల్లర్ నుంచి ఫస్ట్ లిరికల్ సాంగ్‌‌‌‌ను విడుదల చేసిన హీరో శ్రీ విష్ణు.. టీమ్ అందరికీ బెస్ట్ విషెస్ చెప్పాడు.
'అనగా అనగా..’ అంటూ సాగే ఈ పాటను సింజిత్ ఎర్రమిల్లి కంపోజ్ చేయగా ఎస్పీ చరణ్ పాడాడు. ‘వాలే పొద్దుల్లో పాడిందే పాట, చుట్టేస్తుంటారే ఈ ఊరంతా.. హద్దే లేకుండా ఆడిందే ఆట, లేదే బేజారంట.. సాగే మేఘాలే దారే మారాయే’ అంటూ ఊరి నేపథ్యంలో ఆహ్లాదకరమైన సాహిత్యం రాశాడు స్వరూప్ గోలి. త్వరలో ఈ చిత్రం థియేటర్స్‌‌‌‌లో విడుదల కానుంది. లక్ష్మణ్ మీసాల, బోడెపల్లి అభిషేక్, సురభి ప్రభావతి ఇతరపాత్రలు పోషించారు.
