బాలీవుడ్ లో ఇటీవలే విడుదలై సూపర్ హిట్ గా నిలిచిన సినిమా ఫుక్రే3(Fukrey 3). అవుట్ అండ్ అవుట్ కామెడీ ఎంటర్టైనర్ గా వచ్చిన ఈ సినిమా బాక్సాఫీస్ దగ్గర రూ.100 కోట్లు కొల్లగొట్టింది. ఇప్పటికే రెండు పార్టులు విడుదలవగా.. తాజాగా మూడో పార్ట్ విడుదలై.. భారీ విజయాన్ని అందుకుంది. నాన్ స్టాప్ కామెడీ ఎంటర్టైనర్ గా వచ్చిన ఈ సినిమాలో పుల్కిత్ సామ్రాట్, వరుణ్ శర్మ, రిచా చద్దా, పంకజ్ త్రిపాఠీలు కీలక పాత్రల్లో నటించగా.. దర్శకుడు మిర్ఘ్ దీప్ సింగ్ లాంబా ఈ సినిమాను తెరకెక్కించారు.
తాజాగా ఈ సినిమా ఓటీటీలోకి వచ్చేసింది. థియేటర్లలో రిలీజైన దాదాపు రెండు నెలల తర్వాత ఓటీటీలోకి వచ్చింది ఈ మూవీ. నవంబర్ 23 నుంచి అమెజాన్ ప్రైమ్ వీడియోలో స్ట్రీమింగ్ అవుతోంది ఫుక్రే 3 మూవీ. థియేటర్లో సూపర్ హిట్ గా నిలిచిన ఈ సినిమాకు ఓటీటీలో కూడా అదిరిపోయే రెస్పాన్స్ వస్తోంది. మరి వీలుంటే మీరు కూడా ఈ కామెడీ ఎంటర్టైనర్ ను చూసి ఫులుగా నవ్వుకోండి.
