కమర్షియల్, నాన్కమర్షియల్ ఏరి యాల్లో ఇండ్లకు పర్మిషన్ పొంది బిజినెస్లు చేస్తున్న వారి నుంచి బల్దియాకు అప్లికేషన్లు వస్తున్నాయి. శుక్రవారం వరకు 30 సర్కిళ్లలో సుమారు 1,500 దాకా సెల్ఫ్డిక్లరేషన్ చేసుకున్నారని ఆఫీసర్లు చెప్పారు. గడువులోపు ఎక్కువగానే అప్లికేషన్లు రావొచ్చని అంటున్నారు. వెబ్సైట్ https://cr.ghmc.gov.in లోకి వెళ్లి సెల్ఫ్డిక్లరేషన్ఇచ్చి ఫీజు కట్టినా చాలని సూచిస్తున్నారు. గడువు దాటినంక డిక్లరేషన్ఇవ్వని వారిపై రూల్స్మేరకు చర్యలు తీసుకుంటామని హెచ్చరిస్తు న్నారు. ఇండ్ల అవసరాలకు పర్మిషన్లు తీసుకుని బిజినెస్లు చేస్తున్న వారికి ఇది వర్తిస్తుందని చెప్పారు.
హైదరాబాద్, వెలుగు: వేల కోట్ల అప్పుల్లో ఉన్న బల్దియా ఇన్కమ్ పెంచుకునేందుకు సిటీలో కమర్షియల్, నాన్కమర్షియల్ ఏరియాల్లో రెసిడెన్షియల్పర్పస్గా పర్మిషన్లు తీసుకున్న వారిపై ఫోకస్చేసింది. నాలుగునెలల కిందట కొత్తగా గుర్తించిన కమర్షియల్ రోడ్లలోని ఇండ్లకు ఇంపాక్ట్(ప్రభావ) ఫీజు వసూలు చేసేందుకు రెడీ అయ్యింది. రెసిడెన్షియల్ నుంచి కమర్షియల్గా మార్చుకోవాలనుకునే ఓనర్లకు పర్మిషన్ ఇచ్చేందుకు చర్యలు చేపట్టింది. ఇండ్లలో హోటళ్లు, బ్యాంకులు, కిరాణ కొట్లు, మెడికల్షాపులు, బేకరీలు.. ఇలాంటివి కొనసాగుతుంటే వాటికి సర్టిఫికెట్ పొందేందుకు బల్దియా రూల్స్రూపొందించింది. ఆన్లైన్లో పర్మిషన్తీసుకోవాలంటే ఓనర్లు సెల్ఫ్డిక్లరేషన్ఇవ్వాలి ఉంటుంది. సంబంధిత ల్యాండ్ రిజిస్ట్రేషన్ వాల్యూ ప్రకారం ఫీజు చెల్లించాలని అధికారులు సూచిస్తున్నారు. ఈనెల 31లోపు నిర్ణీత ఫీజు చెల్లించి పర్మిషన్ తీసుకోవాల్సి ఉంటుందని, ఆ తర్వాత తీసుకోనివారిపై వచ్చే జనవరి1 నుంచి చర్యలు తీసుకుంటామని హెచ్చరిస్తున్నారు. గ్రేటర్లోని 30 సర్కిళ్లల్లో ఇంపాక్ట్ (గుర్తించిన రోడ్ల వెంట ప్రభావ), కంపౌండింగ్(కమర్షియల్గా గుర్తించని రోడ్ల వెంట ఉండే వాటికి కూడా ) ఫీజుల ద్వారా వందల కోట్లలో ఆదాయంరావొచ్చని బల్దియా అధికారులు అంచనా వేశారు.
కమర్షియల్గా గుర్తించిన రోడ్లలో..
సిటీలో కొత్తగా మరో 111 రోడ్లను కమర్షియల్గా గుర్తిస్తూ గత జులైలో జీవో రిలీజైంది. దీని ప్రకారం కమర్షియల్, నాన్ కమర్షియల్ఏరియాల్లో ఇండ్లకు పర్మిషన్లు తీసుకోగా, వాటిని వాణిజ్య అవసరాలకు మార్చుకుని, బల్దియాకు ఇంటి లెక్కనే పన్ను చెల్లిస్తున్నారు. ఇప్పటి వరకు వీటిపై బల్దియా అధికారులు దృష్టి పెట్టలేదు. తాజాగా మార్చుకున్న వారు ఇంపాక్ట్, కంపౌండింగ్ఫీజు చెల్లించి మార్చుకునే అవకాశం కల్పించింది. కమర్షియల్కారిడార్లుగా గుర్తించిన రోడ్లలో జీ ప్లస్ 1 ఉండి షాపులు నడిపితే వాళ్లు రిజిస్ట్రేషన్వాల్యూలో 6 శాతం, లేదా రూ. 300 ఏది ఎక్కువైతే అది ఇంపాక్ట్ ఫీజుగా చెల్లించాలి. జీ ప్లస్2 అంతకన్నా ఎక్కువైతే చదరపు అడుగుకు 3 శాతం (రిజిస్ట్రేషన్ వాల్యూ), లేదా రూ. 150 ఏది ఎక్కువైతే అది చెల్లించాల్సి ఉంటుంది. స్కూళ్లు, ఆస్పత్రులు, నర్సింగ్హోమ్ లు ఉంటే ఇంపాక్ట్ ఫీజు ఇంకా తక్కువగా ఉంటుంది. వీటికి సెల్ఫ్ డిక్లరేషన్టైమ్లోనే 50శాతం ఫీజు చెల్లించాలి. మిగతా సగం వచ్చే మార్చి31లోపు చెల్లించాలి. ఒకేసారి చెల్లిస్తే 10 శాతం డిస్కౌంట్ఉంటుందని అధికారులు చెబుతున్నారు. కారిడార్లుగా గుర్తించిన ఏరియాల్లో బిజినెస్లు చేస్తున్నవారు కూడా కమర్షియల్గా మార్చుకునేందుకు అవకాశం ఉంది. పన్నులో 1.25 శాతం నుంచి 1.50శాతం అధికంగా ఒకేసారి కాంపౌండింగ్ఫీజు చెల్లించి మార్చుకోవచ్చు.
వచ్చే ఆదాయాన్ని..
ఇంపాక్ట్, కంపౌండింగ్ ఫీజుల ద్వారా రూ. 300 కోట్ల వరకు ఇన్కమ్ రాబట్టేందుకు బల్దియా అంచనా వేసింది. వచ్చే ఆదాయాన్ని నాలాల విస్తరణ చేపట్టేందుకు అధికారులు నిర్ణయించారు. సర్కిళ్లలోని జనాలకు అవగాహన లేకపోగా చాలామందిలో అయోమయం నెలకొంది. దీనిపై బల్దియా సరైన సమాధానాలు చెప్పడంలేదు. నాన్కమర్షియల్గా ఉపయోగిస్తూ తక్కువ ఫీజుతో కమర్షియల్గా మార్పు చేసుకోవచ్చనే విషయం చాలామందికి తెలియదు. మార్చుకుంటే ఎక్కువ పన్నులు కట్టాల్సి వస్తుందేమోననే భయం వారిలో ఉంది. అన్ని సర్కిళ్లల్లోని ఆఫీసర్లు ముందుగా జనాలకు అవగాహన కల్పించాల్సి అవసరం ఉంది.
