మెగా పవర్ స్టార్ రామ్ చరణ్, బాలీవుడ్ బ్యూటీ జాన్వీ కపూర్ కాంబినేషన్లో వచ్చిన 'పెద్ది' సినిమా థియేటర్లలో భారీ ఓపెనింగ్స్తో దూసుకుపోతోంది. ఎమోషన్స్, యాక్షన్ సీన్స్, చరణ్ పర్ఫార్మెన్స్కు ఆడియన్స్ ఫిదా అవుతున్నారు. కానీ, సినిమా బ్లాక్బస్టర్ టాక్ తెచ్చుకున్న కొన్ని గంటల్లోనే సోషల్ మీడియాలో ఒక రేంజ్ చర్చకు తెరలేచింది. అదే.. సినిమాలో జాన్వీ కపూర్ క్యారెక్టర్ను డిజైన్ చేసిన విధానం.
జాన్వీ గ్లామర్ కు పరిమితమా?
సినిమా చూసిన ప్రేక్షకులు, విమర్శకులు జాన్వీ పాత్రపై పెదవి విరుస్తున్నారు. కథలో ఆమె పాత్రకు పెద్దగా ప్రాధాన్యత లేదని, కేవలం లవ్ ట్రాక్, గ్లామర్ కోసమే పరిమితం చేశారనే విమర్శలు వినిపిస్తున్నాయి. గతంలో ఎన్టీఆర్ సరసన నటించిన 'దేవర' సినిమాలోనూ జాన్వీ పాత్రపై ఇలాంటి నెగెటివ్ కామెంట్స్ వచ్చాయి. ఇప్పుడు 'పెద్ది'లోనూ అదే రిపీట్ కావడంతో ఫ్యాన్స్ కాస్త నిరాశ చెందుతున్నారు.
ఆ సీన్స్ వివాదాస్పదమేనా?
కథతో సంబంధం లేకుండా కేవలం పాటలు, రొమాన్స్కు మాత్రమే హీరోయిన్ను వాడేశారనేది ఒక ఎత్తయితే.. రామ్ చరణ్, జాన్వీల మధ్య వచ్చే కొన్ని రొమాంటిక్ సీన్స్ ఇప్పుడు హాట్ టాపిక్గా మారాయి. ఈ సినిమాలో చూపించిన కొన్ని సీన్స్, క్యారెక్టర్ ప్రవర్తన పాతకాలపు పద్ధతుల్లో ఉందంటూ నెటిజన్లు క్లాస్ పీకుతున్నారు. కమర్షియల్ సినిమాల్లో వయొలెన్స్పై పెడుతున్న శ్రద్ధ, ఇలాంటి సెన్సిటివ్ రిలేషన్ షిప్స్ ప్రెజెంటేషన్ పై పెట్టడం లేదనే వాదనలు వినిపిస్తున్నాయి.
There is no need to blacklash her role in #Peddi She did great her part more over some scenes & one song trimed in Movie. And 2nd Half One Emotional is Enough her potentiaI of acting & i accept but for section audience response. But there is no need to negative her #JanhviKappor pic.twitter.com/6MkV7qfuia
— 𝐀kh!L Kesana (@AlwaysAkhilK) June 4, 2026
గ్లామర్ ఉంది.. కానీ క్యారెక్టర్ ఎక్కడ?
ఈ చిత్రంలో జాన్వీ కపూర్ స్క్రీన్ ప్రెజెన్స్ అదిరిపోయినప్పటికీ, కెమెరా అంతా ఆమె గ్లామర్ను ఎలివేట్ చేయడానికే ట్రై చేసింది తప్ప, ఆమె పాత్రను బలంగా చూపించలేకపోయిందని క్రిటిక్స్ తేల్చేశారు. నటనకు స్కోప్ ఉన్న పాత్రను ఇలా సైడ్ క్యారెక్టర్గా మార్చేయడంపై అసంతృప్తి వ్యక్తమవుతోంది. శ్రీదేవి ఉంటే ఇలాంటి సినిమాల్లో నటించడానికి జాన్వీని అనుమతించేది కాదు అని నెటిజన్లు పోస్ట్ చేశారు.
After watching Peddi, you can't help but feel pity for Janhvi Kapoor. Sridevi would have never allowed her to act in such B-grade films in the South.#Peddi #PeddiReview #JanhviKapoor pic.twitter.com/F2beJEGaYl
— 𝐳𝐚𝐲𝐝 (@MaheshFallout) June 4, 2026
సినిమా ఒకవైపు కలెక్షన్ల వర్షం కురిపిస్తున్నా.. హీరోయిన్ క్యారెక్టరైజేషన్, మహిళల ప్రాధాన్యతపై జరుగుతున్న ఈ చర్చ భారతీయ సినిమా మారుతున్న ట్రెండ్కు అద్దం పడుతోంది. మరి ఈ విమర్శలు సినిమా బాక్సాఫీస్ రన్ను ఏమైనా ప్రభావితం చేస్తాయా? లేదా అనేది చూడాలి.
