గ్లోబల్ స్టార్ రామ్ చరణ్(Ram charan) అంతర్జాతీయ స్థాయిలో మరో అరుదైన గౌరవాన్ని దక్కించుకున్నారు. అమెరికాలో ప్రతిష్టాత్మకంగా భావించే పాప్ గోల్డెన్ అవార్డ్స్ లో గోల్డెన్ బాలీవుడ్ యాక్టర్ గా అవార్డు అందుకున్నారు రామ్ చరణ్. ఈ విషయాన్ని పాప్ గోల్డెన్ అవార్డ్స్ కమిటీ అధికారికంగా ప్రకటించింది.
ఈ ప్రతిష్టాత్మక అవార్డు కోసం..రామ్ చరణ్ తోపాటు షారుఖ్ ఖాన్, ఆదా శర్మ, విషెస్ బన్సల్, అర్జున్ మాథుర్, దీపికా పదుకొణె, రిద్ధి డోగ్రా, రాశి ఖన్నా పోటీపడ్డారు. ఈ స్టార్స్ అందరినీ వెనక్కి నెట్టి ఈ అవార్డును దక్కించుకున్నాడు మెగా పవర్ స్టార్. ఇప్పటికే ఆర్ఆర్ఆర్ సినిమాకు గాను పలు హాలీవుడ్ అవార్డులు అందుకున్న ఈ మెగా హీరో.. ఇప్పుడు మరో ప్రతిష్టాత్మకమైన అవార్డును అందుకుని అరుదైన గౌరవాన్ని దక్కించుకున్నారు.
#POPGOLDENAWARDS2023 GOLDEN BOLLYWOOD ACTOR OF THE YEAR AWARD WINNER REVEALED!!
— POP GOLDEN AWARDS (@popgoldenawards) December 8, 2023
CONGRATULATIONS TO #RAMCHARAN For the well deserved honor!! pic.twitter.com/nzfZG1BxDS
ఇక రామ్ చరణ్ సినిమాల విషయానికి వస్తే.. ప్రస్తుతం ఆయన తమిళ దర్శకుడు శంకర్ తో గేమ్ ఛేంజర్ సినిమా చేస్తున్నారు. పాన్ ఇండియా లెవల్లో తెరకెక్కుతున్న ఈ సినిమాలో బాలీవుడ్ బ్యూటీ కియారా అద్వానీ హీరోయిన్ గా నటిస్తుండగా.. టాలీవుడ్ ప్రముఖ నిర్మాత దిల్ రాజు ప్రతిష్ఠాత్మకంగా నిర్మిస్తున్నారు. తమన్ సంగీతం అందిస్తున్న ఈ సినిమా వచ్చే ఏడాది ప్రేక్షకుల ముందుకు రానుంది. ఆర్ఆర్ఆర్ వంటి గ్లోబల్ హిట్ తరువాత రామ్ చరణ్ నుండి వస్తున్న ఈ సినిమా ఎలాంటి విజయం సాధిస్తుందో చూడాలి మరి.
