గ్రేటర్ నోయిడాలోని గౌర్ సిటీ 14వ అవెన్యూలోని కొన్ని అపార్ట్‌మెంట్లలో భారీగా మంటలు చెలరేగాయి. విషయం తెలుసుకున్న అగ్నిమాపక దళం వెంటనే ఘటనాస్థలికి చేరుకుని మంటలను అదుపు చేసింది.
ఈ అగ్ని ప్రమాదం జరిగినప్పటి దృశ్యాలను కొందరు తమ సెల్ ఫోన్లలో చిత్రీకరించడంతో ప్రస్తుతం ఈ ఘటనకు సంబంధించిన దృశ్యాలు సోషల్ మీడియాలో వైరల్ అవుతున్నాయి. ఈ వీడియోలో ఎత్తైన అపార్ట్మెంట్ సొసైటీలోని ఫ్లాట్లలో భారీ మంటలు చెలరేగడాన్ని చూపిస్తుంది.
ఒక్కసారిగా భవనంలో అగ్నిప్రమాదం జరగడంతో అక్కడి వాతావరణమంతా గందరగోళానికి గురైంది. అనంతరం బిస్రఖ్ పోలీస్ స్టేషన్ అధికారులు సంఘటనా స్థలానికి చేరుకుని ఆ ప్రాంతాన్ని తమ ఆధీనంలోకి తీసుకున్నారు. అగ్నిప్రమాదానికి గల కారణాలు మాత్రం ఇంకా తెలియాల్సి ఉంది.
