నరేష్ అగస్త్య, ఫరియా అబ్దుల్లా జంటగా మురళీ మనోహర్ రూపొందిస్తున్న చిత్రం ‘గుర్రం పాపిరెడ్డి. డా. సంధ్య గోలీ సమర్పణలో వేణు సద్ది, అమర్ బురా, జయకాంత్ (బాబీ) నిర్మిస్తున్నారు. డార్క్ కామెడీ జానర్‌‌‌‌‌‌‌‌లో తెరకెక్కుతున్న ఈ మూవీ టీజర్‌‌‌‌‌‌‌‌ను ఇప్పటికే విడుదల చేయగా, తాజాగా లిరికల్ సాంగ్‌‌‌‌ను రిలీజ్ చేశారు. కృష్ణ సౌరభ్ కంపోజ్ చేసిన పాటకు సురేష్ గంగుల క్యాచీ లిరిక్స్ రాయగా, లక్ష్మీ మేఘన, ఎంసీ చేతన్ ఎనర్జిటిక్‌‌‌‌గా పాడారు.
‘ఏదోటి చేయ్ గుర్రం పాపిరెడ్డి, ఏరు దాటివేయ్, ఏదోటి చేయ్ గుర్రం పాపిరెడ్డి, ఓ రూటు వేయ్ గుర్రం పాపిరెడ్డి, ఏక్ మార్ 1234 తుక్కడ, నింగినుంచి ఊడిపడ్డ వాడు ఎవ్వడు ఇక్కడ, మంకీ నుంచి వచ్చిన వాళ్లే కదా అందరు ఇక్కడ, నీరసించి నీరుగారి ఉండిపోకు ఎక్కడ..’ అంటూ మంచి బీట్‌‌‌‌తో పాటు ర్యాప్ స్టైల్లో సాగిన పాటలో ఫరియా అబ్దుల్లా, నరేష్ అగస్త్య లుక్స్ ఆకట్టుకున్నాయి. బ్రహ్మానందం, యోగి బాబు, ప్రభాస్ శ్రీను, రాజ్ కుమార్ కసిరెడ్డి, జాన్ విజయ్ ఇతర పాత్రల్లో కనిపించనున్నారు.
