బాలీవుడ్ స్టార్ హీరో హృతిక్ రోషన్, గ్లామర్ డాల్ దీపికా పదుకోన్ కాంబోలో వస్తున్న లేటెస్ట్ మూవీ ఫైటర్. వార్, పఠాన్ వంటి యాక్షన్ మూవీస్ తెరకెక్కించిన టాలెంటెడ్ డైరెక్టర్ సిద్ధార్థ్ ఆనంద్ ఈ చిత్రాన్ని తెరకెక్కించాడు. ఇండియన్ ఎయిర్ఫోర్స్ బ్యాక్డ్రాప్ లో.. అవుట్ అండ్ అవుట్ యాక్షన్ ఎంటర్టైనర్ గా వస్తున్న ఈ సినిమాపై ప్రేక్షకుల్లో భారీ అంచనాలున్నాయి. సీనియర్ హీరో అనిల్ కపూర్ కీ రోల్ లో పాత్ర పోషిస్తున్న ఈ సినిమా.. జనవరి 25న ప్రేక్షకుల ముందుకు రానుంది.
తాజాగా ఈ సినిమా నుండి టీజర్ రిలీజ్ చేశారు మేకర్స్. టీజర్లో ఒక్కో సీన్, ఒక్కో షాట్ నెక్స్ట్ లెవల్లో ఉన్నాయి. హాలీవుడ్ రేంజ్ లో డిజైన్ చేశారు. మరీ ముఖ్యంగా జెట్ ఫ్లైట్స్ సీక్వెన్సెస్ గూస్బంప్స్ తెప్పించేలా ఉన్నాయి. ఇప్పటికే ఈ ఏడాది పఠాన్ తో భారీ హిట్ అందుకున్న డైరెక్టర్ సిద్ధార్థ్ ఆనంద్.. మళ్ళీ అదే రేంజ్ లో ఫైటర్ మూవీతో ప్రేక్షకుల ముందుకు రానున్నట్లు తెలుస్తోంది.
ఇక టీజర్లో హృతిక్ రోషన్, దీపికా పదుకోన్ ల మధ్య హాట్ హాట్ సీన్స్ కూడా చూపించారు. ఆ సీన్స్ లో దీపికా ధరించిన స్విమ్ సూట్ సీన్ ప్రస్తుతం సోషల్ మీడియాలో వైరల్ అవుతోంది. ఆ సీన్స్ చూసిన నెటిజన్స్ పెళ్లి తరువాత కూడా ఈ రేంజ్ లో ఎక్స్పోజింగా అంటూ కామెంట్స్ చేస్తున్నారు. మరి పఠాన్ దర్శకుడి నుండి వస్తున్న ఫైటర్ మూవీ అదే రేంజ్ లో సక్సెస్ అవుతుందా చూడాలి.