IND W vs PAK W: మహిళల ఆసియా కప్ 2026లో గురువారం జరిగిన మ్యాచ్లో టీమిండియా ఉమెన్స్ క్రికెట్ జట్టు హాంకాంగ్ను 137 పరుగుల తేడాతో ఓడించింది. హర్మన్ప్రీత్ కౌర్ సారథ్యంలోని భారత జట్టు ఈ గెలుపుతో టోర్నీ సెమీఫైనల్లో తన స్థానాన్ని ఫిక్స్ చేసుకుంది. గ్రూప్–ఏలో ఉన్న ఇండియన్ టీమ్ వరుసగా తొలి మ్యాచ్లో థాయిలాండ్ను 94 పరుగులతో, రెండో మ్యాచ్లో హాంకాంగ్ను చిత్తు చేసి సెమీస్కు అర్హత సాధించింది. హాంకాంగ్తో జరిగిన మ్యాచ్లో ఓపెనర్ స్మృతి మంధాన (64 బంతుల్లో 7 సిక్సర్లు, 14 ఫోర్లతో 124 పరుగులు) సెంచరీతో చెలరేగింది.
టీమిండియా కిరాక్ బౌలింగ్:
టాస్ గెలిచి ఫస్ట్ బ్యాటింగ్ చేసిన భారత్ నిర్ణీత 20 ఓవర్లలో 193 పరుగులు చేసింది. అనంతరం 194 పరుగుల తేడాతో బరిలోకి దిగిన హాంకాంగ్ జట్టును ఇండియన్ బౌలర్లు కేవలం 56 పరుగులకే ఆలౌట్ చేశారు. దీప్తి శర్మ 3 వికెట్లతో చెలరేగగా, ప్రేమా రావత్, నందిని శర్మ, శ్రీ చరణి తలో రెండు వికెట్లు పడగొట్టి జట్టు విజయంలో కీ రోల్ పోషించారు. సెమీఫైనల్స్ ప్రారంభమయ్యే ముందే గ్రూప్ స్టేజ్లో భారత్ తన చివరి మ్యాచ్ను దాయాది దేశం పాకిస్తాన్తో ఆడనుంది.
భారత్ వర్సెస్ పాకిస్తాన్ మ్యాచ్ ఫుల్ డీటెయిల్స్:
మ్యాచ్ డేట్: శనివారం, సెప్టెంబర్ 5, 2026.
వేదిక: దుబాయ్ ఇంటర్నేషనల్ క్రికెట్ స్టేడియం.
మ్యాచ్ టైమింగ్: భారత కాలమానం ప్రకారం రేపు (శనివారం) రాత్రి 8:00 గంటలకు మ్యాచ్ స్టార్ట్ కానుంది (టాస్ రాత్రి 7:30 గంటలకు పడుతుంది).
లైవ్ టెలికాస్ట్ (టీవీ): సోనీ స్పోర్ట్స్ నెట్వర్క్ (Sony Sports Ten 1, Sony Sports Ten 3, Sony Sports Ten 4).
లైవ్ స్ట్రీమింగ్ (యాప్ & వెబ్సైట్): సోనీ లివ్ యాప్, వెబ్సైట్.
ఇరు జట్ల వివరాలు :
ఇండియన్ ఉమెన్స్ టీమ్: హర్మన్ప్రీత్ కౌర్ (కెప్టెన్), స్మృతి మంధాన, దీప్తి శర్మ, రాధా యాదవ్, అరుంధతి రెడ్డి, భారతి ఫుల్మాలి, రేణుకా సింగ్, షెఫాలీ వర్మ, రిచా ఘోష్ (వికెట్ కీపర్), కమాలిని (వికెట్ కీపర్), నందిని శర్మ, ప్రతీక్ రావుల్, క్రాంతి గౌడ్, శ్రీ చరణి, ప్రేమా రావత్.
పాకిస్తాన్ ఉమెన్స్ టీమ్: ఫాతిమా సనా (కెప్టెన్), ఆయేషా జాఫర్, నష్రా సంధు, గుల్ ఫిరోజా (వికెట్ కీపర్), మునీబా అలీ (వికెట్ కీపర్), వహీదా అక్తర్, తుబా హసన్, సాదియా ఇక్బాల్, ఉమ్మే హనీ, సదాఫ్ షామ్స్, మోమినా రియాసత్, ఐమన్ ఫాతిమా, సాయిరా జబీన్, షైవాల్ జుల్ఫికర్, ఈమాన్ నసీర్.
►ALSO READ | హాంకాంగ్ ప్లేయర్లకు స్మృతి మంధానా పెప్ టాక్.. హర్మన్ప్రీత్ ఆటోగ్రాఫ్లు అదుర్స్!
