IND vs AFG Test: న్యూ చండీగఢ్లోని ముల్లాన్పూర్ వేదికగా భారత్, ఆఫ్ఘనిస్తాన్ మధ్య జరుగుతున్న ఏకైక టెస్టు మ్యాచ్ ఫస్ట్ సెషన్ ముగిసింది. టాస్ గెలిచి ఫస్ట్ బ్యాటింగ్ తీసుకున్న టీమిండియా.. లంచ్ బ్రేక్ సమయానికి ఒక వికెట్ నష్టానికి 96 పరుగులు చేసి ఫుల్ అప్పర్ హ్యాండ్ సాధించింది. ఓపెనర్ కేఎల్ రాహుల్ నిలకడగా ఆడుతుంటే, వన్ డౌన్లో వచ్చిన సాయి సుదర్శన్ ఆఫ్ఘన్ బౌలర్లను మంచిగనే తిప్పలు పెడుతున్నాడు.
జైస్వాల్ దూకుడు.. దెబ్బకొట్టిన సలీం సఫీ:
ఇవాళ పొద్దుగాల మ్యాచ్ షురువైనప్పటి నుంచి ఓపెనర్లు కేఎల్ రాహుల్, యశస్వి జైస్వాల్ ఇద్దరూ స్కోర్ బోర్డును నిలకడగా ముందుకు నడిపించారు. ముఖ్యంగా జైస్వాల్ కాస్త అగ్రెసివ్ గా ఆడుతూ ఆఫ్ఘన్ బౌలర్లపై ఒత్తిడి పెంచాడు. ఈ ఇద్దరి మధ్య 41 పరుగుల ఓపెనింగ్ భాగస్వామ్యం నెలకొన్న టైమ్లో ఆఫ్ఘన్ బౌలర్ సలీం సఫీ భారత్కు షాక్ ఇచ్చాడు. 24 రన్స్ చేసి మంచి ఊపులో కనిపించిన యశస్వి జైస్వాల్.. సలీం సఫీ బౌలింగ్లో అఫ్సర్ జజాయ్కి క్యాచ్ ఇచ్చి పెవిలియన్ చేరాడు. దీంతో ఇండియా ఫస్ట్ వికెట్ కోల్పోయింది.
వచ్చి రాగానే పంజా విసిరిన సాయి సుదర్శన్:
జైస్వాల్ అవుటైన తర్వాత నంబర్ 3 పొజిషన్లో బ్యాటింగ్కు వచ్చిన గుజరాత్ టైటాన్స్ పొరగాడు సాయి సుదర్శన్.. గ్రౌండ్లోకి వచ్చి రావడంతోనే ఆఫ్ఘనిస్థాన్ బౌలర్లపై పంజా విసిరాడు. వరుస బౌండరీలతో విరుచుకుపడుతూ స్కోర్ స్పీడ్ పెంచాడు. కాసేపు అల్లాడించిన సాయి సుదర్శన్.. ఆ తర్వాత పిచ్ కండిషన్ను బట్టి నెమ్మదిగా బ్యాటింగ్ చేయడం స్టార్ట్ చేసిండు. ఇంకోవైపు, మరో ఓపెనర్ కేఎల్ రాహుల్ మాత్రం మొదటి నుంచే ఆఫ్ఘన్ బౌలర్లకి కొరకరాని కొయ్యలా మారిపోయాడు. అద్భుతమైన బంతులని డిఫెండ్ చేస్తూ.. లూజ్ బాల్స్ దొరికినప్పుడల్లా బౌండరీకి తరిమేస్తూ క్లాస్ బ్యాటింగ్ చూపిస్తున్నాడు.
ఫస్ట్ సెషన్ లో ఇండియాదే హవా:
ఈ క్రమంలోనే 25 ఓవర్లు పూర్తి అయ్యేసరికి టీమిండియా 96 రన్స్ చేసి ఒకే ఒక్క వికెట్ కోల్పోయి ఫస్ట్ సెషన్లో తన ఆధిపత్యాన్ని ప్రదర్శించింది. ప్రస్తుతం లంచ్ బ్రేక్ ముగిసే సమయానికి క్రీజులో సాయి సుదర్శన్ (32 రన్స్), కేఎల్ రాహుల్ (37 రన్స్) తో నాటౌట్గా నిలిచి గట్టి భాగస్వామ్యాన్ని నిర్మిస్తున్నారు. లంచ్ తర్వాత మనోళ్లు ఇంకెంత స్పీడ్గా రన్స్ కొడతారో అనేది చూడాల్సి ఉంది.
Lunch on Day 1 of the #INDvAFG Test! 🍱
— BCCI (@BCCI) June 6, 2026
FIFTY Partnership 🆙 between vice-captain KL Rahul and Sai Sudharsan 🤝#TeamIndia move to 96/1 after 25 overs
Scorecard ▶️ https://t.co/Au50EfVM30@IDFCFIRSTBank pic.twitter.com/yRNdqATGpV
