ఇండియా, సౌతాఫ్రికా జట్లు తొలి వన్డే ఆడేందుకు సిద్ధమయ్యాయి. ఆదివారం (నవంబర్ 30) రాంచీ వేదికగా ప్రారంభమైన ఈ మ్యాచ్ లో సౌతాఫ్రికా టాస్ గెలిచి బౌలింగ్ ఎంచుకుంది. టెస్ట్ సిరీస్ కోల్పోయిన భారత జట్టు.. వన్డేల్లో సఫారీలపై రివెంజ్ తీర్చుకోవడానికి సై అంటుంది. స్టార్ ప్లేయర్స్ కోహ్లీ, రోహిత్ శర్మల పైనే అందరి దృష్టి నెలకొంది. ఈ మ్యాచ్ లో సొంతగడ్డపై టీమిండియా హాట్ ఫేవరేట్ గా బరిలోకి దిగుతోంది. మరోవైపు టెంబా బావుమా కెప్టెన్సీలో సౌతాఫ్రికా స్వదేశంలో భారత వన్డే జట్టుకు షాక్ ఇవ్వాలని చూస్తోంది. ఇటీవలే టీమిండియాతో రెండు మ్యాచ్ ల టెస్ట్ సిరీస్ ను క్లీన్ స్వీప్ చేసిన తర్వాత సౌతాఫ్రికా కాన్ఫిడెన్స్ తో కనిపిస్తోంది.
ఇండియా, సౌతాఫ్రికా జట్ల మధ్య ఇప్పటివరకు 94 వన్డే మ్యాచ్ లు జరిగాయి. వీటిలో సౌతాఫ్రికా 51 విజయాలతో ఆధిక్యంలో ఉంది. ఇండియా 40 సాధించగా.. మూడు మ్యాచ్ ల్లో ఫలితం రాలేదు. ఈ ఏడాది ఛాంపియన్స్ ట్రోఫీ గెలుచుకున్న టీమిండియా ఇటీవలే ఆస్ట్రేలియాతో జరిగిన మూడు వన్డే మ్యాచ్ ల సిరీస్ ను 1-2 తేడాతో కోల్పోయింది. ఇక సౌతాఫ్రికా తమ చివరి సిరీస్ లో పాకిస్థాన్ పై 1-2 తేడాతో ఓడిపోయి బరిలోకి ఇండియాతో మ్యాచ్ కు సిద్ధమైంది.
దక్షిణాఫ్రికా (ప్లేయింగ్ XI):
ర్యాన్ రికెల్టన్, క్వింటన్ డి కాక్(వికెట్ కీపర్ ), ఐడెన్ మార్క్రామ్(కెప్టెన్), మాథ్యూ బ్రీట్జ్కే, టోనీ డి జోర్జి, డెవాల్డ్ బ్రీవిస్, మార్కో జాన్సెన్, కార్బిన్ బాష్, ప్రెనెలన్ సుబ్రాయెన్, నాండ్రే బర్గర్, ఒట్నీల్ బార్ట్‌మన్
భారత్ (ప్లేయింగ్ XI):
రోహిత్ శర్మ, యశస్వి జైస్వాల్, విరాట్ కోహ్లీ, రుతురాజ్ గైక్వాడ్, వాషింగ్టన్ సుందర్, KL రాహుల్(కెప్టెన్), రవీంద్ర జడేజా, హర్షిత్ రాణా, కుల్దీప్ యాదవ్, అర్ష్దీప్ సింగ్, ప్రసిద్ధ్ కృష్ణ
