WTC Final 2027 Scenarios: ఆస్ట్రేలియాపై దక్షిణాఫ్రికా సాధించిన ఘన విజయం వరల్డ్ టెస్ట్ ఛాంపియన్‌షిప్ (WTC 2025-27) ఫైనల్ రేసును అత్యంత ఆసక్తికరంగా మార్చింది. ఆస్ట్రేలియా అగ్రస్థానాన్ని మరింత పెంచుకోకుండా సఫారీలు అడ్డుకోవడంతో మిగిలిన జట్లకు అవకాశాలు మెరుగయ్యాయి. అయితే, భారత జట్టు ప్రస్తుతం 51.52 పాయింట్ల శాతం (PCT) తో పాయింట్ల పట్టికలో 5వ స్థానంలో కొనసాగుతోంది. 2027 డబ్ల్యూటీసీ ఫైనల్ రేసులో నిలవాలంటే శుభ్మన్ గిల్ నాయకత్వంలోని టీమిండియా మిగిలిన ఏడు టెస్టుల్లో అద్భుత ప్రదర్శన చేయాల్సి ఉంది.
ప్రస్తుత WTC పాయింట్ల పట్టిక:
* పాయింట్ల సంఖ్య కంటే పాయింట్ల శాతానికే (PCT) ప్రాధాన్యత ఉండే ఈ పట్టికలో టాప్-2 జట్లు మాత్రమే ఫైనల్‌కు అర్హత సాధిస్తాయి.
1. ఆస్ట్రేలియా: 75.00 శాతం — 12 టెస్టుల నుండి 108 పాయింట్లు.
2. న్యూజిలాండ్: 72.22 శాతం — ఆరు టెస్టుల నుండి 52 పాయింట్లు.
3. దక్షిణాఫ్రికా: 66.67 శాతం — ఆరు టెస్టుల నుండి 48 పాయింట్లు.
4. బంగ్లాదేశ్: 55.56 శాతం — ఆరు టెస్టుల నుండి 40 పాయింట్లు.
5. భారత్: 51.52 శాతం — 11 టెస్టుల నుండి 68 పాయింట్లు.
6. ఇంగ్లాండ్: 38.54 శాతం — 14 పాయింట్ల కోత తర్వాత, 16 టెస్టుల నుండి 74 పాయింట్లు.
7. శ్రీలంక: 33.33 శాతం — ఆరు టెస్టుల నుండి 24 పాయింట్లు.
8. వెస్టిండీస్: 20.83 శాతం — రెండు పాయింట్ల కోత తర్వాత, 12 టెస్టుల నుండి 30 పాయింట్లు.
9. పాకిస్తాన్: 4.63 శాతం — 19 పాయింట్ల కోత తర్వాత తొమ్మిది టెస్టుల నుండి ఐదు పాయింట్లు.
ఫైనల్ చేరడానికి భారత్ ముందున్న లెక్కలివే:
* భారత జట్టుకు ప్రస్తుత సైకిల్‌లో ఇంకా 7 టెస్టులు మాత్రమే మిగిలి ఉన్నాయి. న్యూజిలాండ్‌తో 2 టెస్టులు, సొంతగడ్డపై ఆస్ట్రేలియాతో 5 టెస్టుల సుదీర్ఘ సిరీస్.
* కనీస బెంచ్‌మార్క్: భారత్ ఫైనల్ ఆశలు సజీవంగా ఉంచుకోవాలంటే కనీసం 60 శాతం PCT మార్కును చేరుకోవాలి.. దీని కోసం మిగిలిన 7 టెస్టుల్లో అత్యధిక మ్యాచ్‌లను కచ్చితంగా గెలవాల్సి ఉంటుంది. డ్రాలు లేదా ఓటములు టీమిండియా అవకాశాలను బాగా దెబ్బతీస్తాయి.
బంగ్లాదేశ్, దక్షిణాఫ్రికాల నుంచి గట్టి పోటీ:
* బంగ్లాదేశ్ థ్రెట్: ఊహించని విధంగా బంగ్లాదేశ్ 55.56 PCTతో భారత్ కంటే ముందు 4వ స్థానంలో ఉంది. వారు ఆడాల్సిన మిగిలిన 6 టెస్టుల ఫలితాలు భారత్‌పై నేరుగా ప్రభావం చూపిస్తాయి.
* సౌతాఫ్రికా, కివీస్ జోరు: 66.67 PCTతో ఉన్న దక్షిణాఫ్రికా, 72.22 PCTతో ఉన్న న్యూజిలాండ్ జట్టు ఆస్ట్రేలియా, ఇతర సిరీస్‌లలో పాయింట్లు కోల్పోతేనే భారత్‌కు ఫైనల్ తలుపులు త్వరితగతిన తెరుచుకుంటాయి.
* టెస్టు గెలిస్తే 12, టై అయితే 6, డ్రా అయితే 4 పాయింట్లు లభించే ఈ సిస్టమ్‌లో స్లో ఓవర్ రేట్ పెనాల్టీలు పడకుండా చూసుకుంటూ భారత్ సొంత ప్రదర్శనపైనే ఆధారపడాల్సి ఉంది.
