‘జైలర్’ చిత్రంలో రజినీకాంత్‌‌‌‌కు కొడుకుగా నటించి తమిళంతో పాటు తెలుగు ప్రేక్షకుల్లోనూ మంచి గుర్తింపును అందుకున్న వసంత్ రవి.. సోలో హీరోగా వరుస సినిమాల్లో నటిస్తున్నాడు. అతను హీరోగా తెలుగు, తమిళ భాషల్లో ఓ కొత్త చిత్రాన్ని అనౌన్స్ చేశారు. ‘ఇంద్ర’ టైటిల్‌‌‌‌తో తెరకెక్కుతున్న ఈ చిత్రంతో శబరీష్ నందా దర్శకుడిగా పరిచయం అవుతున్నాడు. ఈ సందర్భంగా రిలీజ్ చేసిన వసంత్ రవి ఫస్ట్ లుక్ పోస్టర్ సినిమాపై క్యూరియాసిటీని పెంచుతోంది.
రెండు విభిన్న ముఖాలతో ఉన్న పోస్టర్ ఇంప్రెస్ చేసింది. సస్పెన్స్ థ్రిల్లర్‌‌‌‌‌‌‌‌గా రూపొందుతోన్న ఈ చిత్రంలో మెహ్రీన్‌ పిర్జాదా హీరోయిన్‌‌‌‌గా నటిస్తోంది. అనికా సురేంద్రన్, సునీల్, కళ్యాణ్ మాస్టర్ ఇతర ముఖ్య పాత్రలు పోషిస్తున్నారు. జేఎస్ఎం పిక్చర్స్, ఎంపరర్ ఎంటర్‌‌‌‌టైన్‌‌‌‌మెంట్ సంస్థలు కలిసి నిర్మిస్తున్నాయి.
