రాహుల్ రామకృష్ణ, నవ్య స్వామి, నరేష్, సురభి ప్రభావతి, గంగవ్వ ప్రధాన పాత్రలు పోషించిన చిత్రం ‘ఇంటింటి రామాయణం’. సురేష్ నరెడ్ల దర్శకుడు. సూర్యదేవర నాగవంశీ, మారుతి టీమ్ సమర్పణలో వెంకట్ ఉప్పుటూరి, గోపీచంద్ యిన్నమూరి నిర్మించిన ఈ చిత్రం శుక్రవారం విడుదలైంది. సినిమాకొస్తున్న రెస్పాన్స్ గురించి తెలియజేసేందుకు శనివారం ప్రెస్‌‌‌‌మీట్ నిర్వహించారు. నవ్య స్వామి మాట్లాడుతూ ‘మేం ఊహించిన దానికంటే మంచి రెస్పాన్స్ వస్తోంది. ఇలాంటి సినిమాని థియేటర్‌‌‌‌‌‌‌‌లోనే చూడాలి. ఎందుకంటే కామెడీ సీన్స్‌‌‌‌ని నలుగురు కలిసి కూర్చొని చూస్తే ఆ కిక్ వేరే ఉంటుంది. ఫన్ డబుల్ అవుతుంది’ అని చెప్పింది. కామెడీతో పాటు ఎమోషనల్ సీన్స్‌‌‌‌కి ప్రేక్షకులు కనెక్ట్ అవుతున్నారన్నాడు దర్శకుడు సురేష్. నటులు అంజి, కవిత, బాలనటి చైత్ర పాల్గొన్నారు.
