మెగాస్టార్ చిరంజీవి(Megastar Chiranjeevi) తన పుట్టినరోజు సంబంర్బంగా రెండు కొత్త సినిమాల ప్రకటించారు. అందులో ఒకటి తన పెద్ద కూతురు సుస్మిత కొణిదెల (Susmitha konidela) నిర్మాణ సంస్థతో చేస్తున్న సినిమాకాగా.. రెండవది యు.వి.క్రియేషన్స్ (UV Creations) సంస్థతో చేస్తున్న సినిమా. ఈ రెండు సంస్థలు అధికారికంగా మెగాస్టార్ చిరంజీవితో తమ సినిమాలను ప్రకటించాయాయి.
అయితే తాజాగా సుస్మిత నిర్మాణంలో వస్తున్న మెగా 156 ప్రాజెక్టుపై ఓ న్యూస్ సోషల్ మీడియాలో వైరల్ గా మారింది. అదేంటంటే.. ఈ ప్రాజెక్టు క్యాన్సిల్ అయిందట. కారణం స్క్రిప్ట్ సరిగ్గా కుదరకపోవడమే అని తెలుస్తోంది. ఈ సినిమాకు కళ్యాణ్ కృష్ణ దర్శకత్వం వహిస్తారు అనే వార్తలు కూడా వినిపించాయి. అంతేకాదు మళయాళ సినిమా బ్రో డాడీ సినిమాకు రీమేక్ గా ఈ సినిమా రానుంది అనే వార్తలు కూడా వైరల్ అయ్యాయి. ఇప్పుడు ఏకంగా ఈ ప్రాజెక్టు క్యాన్సిల్ అయ్యిందని తెలుస్తోంది.
- ALSO READ| పొంగల్ పోటీలో రజినీ లాల్ సలామ్
అయితే ఈ వార్తల్లో నిజమెంత అనేది తెలియాలంటే ప్రొడక్షన్ హౌస్ నుండి అధికారిక ప్రకటన రావాల్సిందే. ఇక యూవీ క్రియేషన్స్ లో వస్తున్న సినిమా.. ప్రీ ప్రొడక్షన్ పనులు ఈ మధ్య మొదలయ్యాయి. వశిష్ట దర్శకత్వంలో వస్తున్న ఈ సినిమా.. సోషియో ఫాంటసీ కథతో రూపొందనుంది. భారీ బడ్జెట్ తో తెరకెక్కనున్న ఈ సినిమా వచ్చే ఏడాది ప్రేక్షకుల ముందుకు రానుంది.
