బాలీవుడ్ నటి దీపికా పదుకునే(Deepika Padukone) హీరో రణ్వీర్సింగ్(Ranveer Singh)ను పెళ్లాడిన సంగతి తెలిసిందే. అప్పుడే వీరి పెళ్లి బంధానికి ఐదేళ్లు పూర్తయ్యాయి. ఈ సందర్భంగా తన పెళ్లి ఫొటోల వెనుక ఓ ఇంట్రెస్టింగ్ విషయం నెట్టింట వైరలవుతోంది.
రణ్బీర్ కపూర్తో కలిసి ‘యే జవానీ హే దివానీ’లో దీపిక నటించింది. అందులో కబీరా అనే పెళ్లి సాంగ్ను ప్రముఖ వెడ్డింగ్ ఫొటోగ్రాఫర్ విశాల్ పంజాబీ డైరెక్ట్ చేశాడట. అతడి పనితనానికి ఇంప్రెస్ అయిన దీపికా ఓ రోజు అతని క్యాబిన్కు వెళ్లి నేను పెళ్లి చేసుకునే రోజంటూ వస్తే ఆ మధుర క్షణాల్ని నువ్వే కెమెరాలో బంధించాలి అంటూ చెప్పి వెళ్లిపోయిందట. చెప్పినట్టుగానే తన పెళ్లి వేడుకను విశాల్తోనే షూట్ చేయించిందట. దీపిక తన పెళ్లి విషయంలో ఇంత సెంటిమెంట్తో ఉండటం చూసి అతడు ఆశ్చర్యపోయాడట.
బాలీవుడ్ ఇండస్ట్రీలో మోస్ట్ బ్యూటీఫుల్ కపుల్ అంటే గుర్తొచ్చే జంటలలో రణవీర్ సింగ్, దీపికా జోడి ఎప్పటికీ ఎవర్ గ్రీన్. డైరెక్టర్ కమ్ ప్రొడ్యూసర్ కరణ్ జోహర్ హోస్టింగ్ చేస్తున్న 'కాఫీ విత్ కరణ్’ సీజన్ 8 షోకు తొలిసారిగా వీరు కలిసి వచ్చారు.
తమ ప్రేమ, పెళ్లి గురించి ఆసక్తికర విషయాలను పంచుకున్నారు. అంతేకాకుండా దాదాపు ఐదేళ్ల తర్వాత తమ పెళ్లి వీడియోను కూడా షేర్ చేసుకున్నారు. ప్రస్తుతం ఈషోకు సంబంధించిన వీడియోస్ సోషల్ మీడియాలో తెగ వైరలవుతున్నాయి.