జగిత్యాల, వెలుగు: జగిత్యాల టౌన్ సర్కిల్ ఇన్ స్పెక్టర్ నటేశ్ను సస్పెండ్ చేస్తూ మల్టీ జోన్–1 ఐజీ ఉత్తర్వులు జారీ చేసినట్లు జగిత్యాల ఎస్పీ సన్ ప్రీత్ సింగ్ తెలిపారు. అవినీతి, క్రైం బార్కింగ్ ఆరోపణల నేపథ్యంలో ఇన్ స్పెక్టర్ నటేశ్ను సస్పెండ్ చేసినట్లు తెలుస్తోంది. కరీంనగర్లో భూ దందాలపై సీపీ అభిషేక్ మహంతి సిట్ ఏర్పాటు చేశారు.
భూమి విషయంలో అక్కడి భగత్ నగర్ కు చెందిన కొత్త రాజిరెడ్డిని ఇబ్బందులు పెడుతున్నారని ఇటీవల బీఆర్ఎస్ కార్పొరేటర్ తోట రాములు, చీటీ రామారావు, నిమ్మశెట్టి శ్యామ్అనే ముగ్గురిని పోలీసులు అరెస్ట్ చేశారు. ఇదే విషయంలో గతంలో అక్కడ పనిచేసిన సీఐ నటేశ్ వారికి సహకరించినట్లు ఆరోపణలు ఉన్నాయి. అలాగే ట్రావెల్స్ నిర్వాహులకు సంబంధించిన కేసు విషయంలో లంచం డిమాండ్ చేసినట్లు వాయిస్ రికార్డులు ఉన్నాయి. ఈ నేపథ్యంలోనే సీఐని సస్పెండ్ చేసినట్లు తెలుస్తోంది.
