సూపర్ స్టార్ రజనీకాంత్ పేరు వింటేనే చాలు ఫ్యాన్స్ లో పూనకాలు మొదలవుతాయి. ఇక ఆయన సినిమా థియేటర్లలోకి వస్తే ఆ సందడే వేరు. నెల్సన్‌ దిలీప్‌కుమార్‌ దర్శకత్వంలో తెరకెక్కిన ఈ 'జైలర్ 2' చిత్రం అక్టోబర్‌ 15న ప్రేక్షకుల ముందుకు వచ్చింది. తలైవర్ మళ్లీ టైగర్‌ ముత్తువేల్ పాండ్యన్‌గా తెరపైకి రావడంతో అభిమానులు పండగ చేసుకుంటున్నారు. ఈ క్రమంలో హీరో ధనుష్ ఇచ్చిన రివ్యూ సోషల్ మీడియాలో వైరల్‌గా మారింది.
ఒకే థియేటర్ కు ధనుష్, ఐశ్వర్య..
ఈ 'జైలర్ 2' సినిమా ఫస్ట్ డే ఫస్ట్ షో చూసేందుకు చెన్నైలోని ప్రముఖ రోహిణి థియేటర్‌కు సూపర్ స్టార్ కుటుంబం తరలివచ్చింది. రజనీ సతీమణి లతా రజనీకాంత్, కుమార్తెలు ఐశ్వర్య, సౌందర్యలతో పాటు హీరో ధనుష్ కూడా తన కుమారులు యాత్రా, లింగాలతో కలిసి రావడం విశేషం. అయితే ఒకప్పుడు భార్యాభర్తలైన ధనుష్, ఐశ్వర్యలు వేర్వేరు కార్లలో థియేటర్‌కు చేరుకోవడమే కాకుండా.. థియేటర్ లోపల కూడా దూరంగా కూర్చోవడం ఇప్పుడు సోషల్ మీడియాలో హాట్ టాపిక్‌గా మారింది. విడిపోయిన తర్వాత కూడా తలైవర్ సినిమా కోసం ఒకే ప్రాంగణంలోకి రావడం అభిమానులను ఆకట్టుకుంటోంది.
Chennai, Tamil Nadu: Actor Rajinikanth’s daughter Aishwarya Rajinikanth, his grandsons Yatra and Linga, and actor Dhanush arrive at Rohini Silver Screens in Koyambedu to watch the superstar’s film ‘Jailer 2’ on its release day https://t.co/cIEwlM6SIv
— IANS (@ians_india) October 15, 2026
ధనుష్ రివ్యూ..
రజనీకాంత్‌కు వీరాభిమానిగా పేరున్న ధనుష్.. సినిమా చూసిన అనంతరం ఎక్స్ వేదికగా ఇచ్చిన రివ్యూ నెట్టింట వైరల్ అవుతోంది. 'జైలర్ 2'నిరాటంకంగా తప్పక చూడాల్సిన సినిమా. ఇది పక్కా బ్లాక్‌బస్టర్.. ప్రతి తలైవర్ అభిమానికి ఇదొక మైండ్ బ్లోయింగ్ ఫీస్ట్ అంటూ ధనూష్ ప్రశంసల వర్షం కురిపించారు. అంతేకాదు, రజనీకాంత్ కోసం తన కొత్త సినిమా 'ఓమ్' (OM) విడుదలను కూడా దసరా బరి నుంచి వాయిదా వేసుకుని తన వీరాభిమానాన్ని చాటుకున్నారు.
JAILER 2 is a MUST MUST MUST watch. BLOCKBUSTER 🔥🔥🔥🔥🔥🔥🔥🔥 A FEAST for every Thalaivar fan.
— Dhanush (@dhanushkraja) October 15, 2026
తండ్రిపై కుమార్తెల ప్రేమ..
మరోవైపు లత రజనీకాంత్ తన భర్తపై అభిమానులు చూపిస్తున్న ప్రేమను చూసి భావోద్వేగానికి గురయ్యారు. అభిమానులతో కలిసి సినిమా చూడటం రెట్టింపు ఉత్సాహాన్ని ఇస్తుందని పేర్కొన్నారు. కుమార్తె ఐశ్వర్య కూడా తండ్రిని ప్రశంసిస్తూ, ఆయన మరింత మందికి ఆనందాన్ని పంచాలని ఆకాంక్షించారు. సౌందర్య సైతం సినీ అభిమానులకు ఆయన 'తలైవర్' అయినా తనకు మాత్రం 'అప్పా' అని ప్రేమగా పేర్కొన్నారు.
►ALSO READ | Imran Khan: దేశ బహిష్కరణ నోటీసులపై బాంబే హైకోర్టుకు అమీర్ ఖాన్ మేనల్లుడు!
కథేంటంటే?
మొదటి భాగం ( జైలర్ ) లో వినాయకన్, వసంత్ రవి పాత్రలను ముగించిన ముత్తువేల్ పాండ్యన్ (రజనీకాంత్), ఈ సీక్వెల్‌లో వర్మ వెనుకున్న అసలు బాస్ 'బోధి' (ఎస్.జె. సూర్య)ను అంతం చేసేందుకు పక్కా ప్లాన్ వేస్తాడు. ఈ వేటలో మాథ్యూ (మోహన్ లాల్), నరసింహ (శివరాజ్ కుమార్)లతో పాటు రోలీ (హృతిక్ రోషన్), కామదేవ్ (జాకీ ష్రాఫ్), మిథున్ చక్రవర్తి, విద్యాబాలన్ వంటి దిగ్గజ తారలు తోడవ్వడం సీటు అంచున కూర్చోబెడుతోంది. అనిరుధ్ రాక్‌స్టార్ బ్యాక్‌గ్రౌండ్ మ్యూజిక్ థియేటర్లలో పూనకాలు తెప్పిస్తుండటంతో 'జైలర్ 2' ఇండియన్ బాక్సాఫీస్ వద్ద సరికొత్త రికార్డులను తిరగరాయడం ఖాయంగా కనిపిస్తోందని ఫ్యాన్స్ ధీమా వ్యక్తం చేస్తున్నారు. మరి ఈ తలైవర్ వేట బాక్సాఫీస్ వద్ద ఎలాంటి రికార్డులు సృష్టిస్తుందో చూడాలి..
