మెగాస్టార్ చిరంజీవి(Megatsar Chiranjeevi) నటిస్తున్న లేటెస్ట్ మూవీ ‘భోళా శంకర్’(Bhola Shankar). మెహర్ రమేష్ డైరెక్షన్ లో తెరకెక్కుతున్న ఈ మూవీ పై మెగా అభిమానులు భారీ ఆశలు పెట్టుకున్నారు.
తాజాగా ఈ మూవీ నుంచి సెకండ్ లిరికల్ రిలీజ్ చేశారు మేకర్స్. జామ్ జామ్ జజ్జనక..అంటూ సాగే ఈ గీతంలో తమ్ముళ్లు మనకు కొంచెం చేంజ్ కావాలి..దరువు మార్చి కొత్త సౌండ్ వేసుకోండి అని చిరు వాయిస్ ఇవ్వగా..నర్సపెల్లె..గండిలోన గంగాధారి.. నాటుపిల్లే.. కలిసినాది గంగాధారి..లిరిక్స్ ఆసక్తి కలిగిస్తున్నవి. కాసార్ల శ్యామ్ రాసిన ఈ గీతం అనురాగ్ కులకర్ణి, మంగ్లీ పాడారు.
మెగాస్టార్ చిరు, తమన్నా, కీర్తి సురేష్,సుశాంత్ డ్యాన్స్ తో ఈ గీతం జోరు పెరిగింది. మహతి స్వర సాగర్ అందించిన మ్యూజిక్ ప్రేక్షకులను ఆకట్టుకుంటోంది. శేఖర్ మాస్టర్ కోరియోగ్రఫీ చిరు ప్రత్యేక స్టెప్పులతో హంగామా కనబరుస్తోంది. ఇక ఈ ఫ్యామిలీ సాంగ్ తో మరింత ఆకర్షణ రావడంతో మెగా ఫ్యాన్స్ ఖుషి అవుతున్నారు. ఇప్పటికే రిలీజ్ అయిన భోళా మేనియా సాంగ్ మెగా అభిమానులని ఊపేస్తోంది.
మెగాస్టార్ చిరంజీవికు జోడీగా తమన్నా నటిస్తోండగా కీర్తి సురేష్, సుశాంత్ ప్రధాన పాత్రలు పోషిస్తున్నారు. ఈ మూవీ ఏకే ఎంటర్‌టైన్మెంట్స్ పతాకంపై రామబ్రహ్మం సుంకర నిర్మిస్తుండగా..ప్రపంచవ్యాప్తంగా ఆగస్టు 11న విడుదలవుతోంది.
