జ్యోతి పూర్వజ్ లీడ్‌ రోల్‌‌లో నటిస్తున్న చిత్రం ‘కిల్లర్’ (KILLER). ‘శుక్ర’ ఫేమ్ పూర్వజ్ హీరోగా నటిస్తూ దర్శకత్వం వహిస్తున్నాడు. ఇదొక సైన్స్ ఫిక్షన్ యాక్షన్‌ థ్రిల్లర్‌. ఏయు అండ్ ఐ, మెర్జ్‌ ఎక్స్ఆర్‌ బ్యానర్లపై పూర్వజ్, పద్మనాభ రెడ్డి.ఎ. నిర్మిస్తున్నారు.
ఈ మూవీ ట్రైలర్‌‌ను దసరా సందర్భంగా ఈ నెల 21న విడుదల చేయనున్నట్లు మేకర్స్ ప్రకటించారు. ఈ అప్‌‌డేట్ అందిస్తూ రిలీజ్ చేసిన పోస్టర్‌‌‌‌లో జ్యోతి పూర్వజ్ కనిపిస్తున్న తీరు టీజర్‌‌‌‌పై క్యూరియాసిటీని క్రియేట్ చేస్తోంది. మనీష్ గిలాడా, చంద్రకాంత్ కొల్లు, విశాల్ రాజ్, అర్చన అనంత్, గౌతమ్ చక్రధర్ కొప్పిశెట్టి కీలక పాత్రల్లో కనిపించనున్నారు.
ఇక ఈ సినిమా ఈ నెల 30న ప్రపంచవ్యాప్తంగా థియేటర్లలోకి రానుంది. మరోవైపు, ఓవర్సీస్‌‌లోనూ ఈ చిత్రం విడుదల కానుంది. ఓఎంజీ పిక్చర్స్ ఈ చిత్రాన్ని అమెరికా, యూరప్, కెనడా, అరబ్ దేశాలు, మలేషియా, న్యూజిలాండ్, రష్యాలో పంపిణీ చేయనుంది.
