పెద్దపల్లి: రామగుండం పోలీస్ కమిషనరేట్ కార్యాలయంలో మాజీ మంత్రి కాకా వెంకటస్వామి వర్ధంతి వేడుకలు ఘనంగా నిర్వహించారు. అదనపు డీసీపీ (అడ్మిన్ ) కె. శ్రీనివాస్, పోలీస్ అధికారులు వెంకటస్వామి చిత్ర పటానికి పూలమాలలు వేసి నివాళులు అర్పించారు. ఈ సందర్భంగా డీసీపీ శ్రీనివాస్ మాట్లాడుతూ.. సుదీర్ఘకాలం పాటు కేంద్ర మంత్రిగా, పార్లమెంటు సభ్యునిగా ప్రాతినిథ్యం వహించారని అన్నారు. దళిత, బడుగు, బలహీన, అణగారిన వర్గాల అభ్యున్నతి కోసం కాకా విశేషంగా కృషి చేశారని కొనియాడారు. కాకా సేవలను గుర్తిస్తూ నిరంతరం స్మరించుకునేలా ప్రభుత్వం అధికారికంగా జయంతి, వర్ధంతి వేడుకలను నిర్వహిస్తోందన్నారు. సేవ, క్రమశిక్షణ, నైతికతకు కాకా వెంకటస్వామి జీవితం నిదర్శనమని పేర్కొన్నారు.
