పంజాగుట్ట, వెలుగు: చెత్త సేకరణను ప్రైవేట్పరం చేయొద్దని, ప్రస్తుతం పని చేస్తున్న స్వచ్ఛ కార్మికులకే మరిన్ని సదుపాయాలు కల్పించి ఆదుకోవాలని, ఈ విషయమై ముఖ్యమంత్రిని కలిసి మాట్లాడుతానని ఎమ్మెల్సీ ప్రొఫెసర్కోదండరాం అన్నారు. గురువారం సోమాజీగూడ ప్రెస్క్లబ్లో జీహెచ్ఎంసీ, సీఎంసీ, ఎంఎంసీ స్వచ్ఛ ఆటో టిప్పర్లు, రిక్షా డ్రైవర్ల జేఏసీ ఆధ్వర్యంలో ‘కార్మికుల హక్కులు కాపాడండి..చెత్త సేకరణ ప్రైవేటీకరించొద్దు’ అనే అంశంపై రౌంటేబుల్సమావేశం నిర్వహించారు. దీనికి కోదండరాం ముఖ్య అతిథిగాహాజరై మాట్లాడారు.
జీహెచ్ఎంసీ వ్యాప్తంగా 60 వేల కుటుంబాలు 40 ఏండ్ల నుంచి చెత్త సేకరిస్తున్నారన్నారు. ఇప్పుడు వారిని కాదని, రాంకీకి అప్పగించడం వల్ల ప్రైవేట్సంస్థలు బలోపేతం అవుతాయని, కార్మిక కుటుంబాలు రోడ్డున పడే ప్రమాదం ఉందన్నారు. ప్రముఖ సామాజికవేత్తలు వర్గీస్, సజయా, మీరా సంఘమిత్ర, మానవ హక్కుల నేత జీవన్కుమార్, అనిల్, జీహెచ్ఎంసీ, సీఎంసీ, ఎంఎంసీ స్వచ్ఛ ఆటో టిప్పర్లు, రిక్షా డ్రైవర్ల జేఏసీ లీడర్లు చెవిటి వెంకన్న, వీరేష్, రమేశ్ స్వచ్ఛ జయలక్ష్మి, రాంబాబు, నరేష్, కలమడుగు రాజేందర్, యాదగిరి పాల్గొన్నారు.
