కాగజ్ నగర్, వెలుగు: మధ్యాహ్న భోజనం నాణ్యతతో పెట్టడడం లేదని ఆసిఫాబాద్జిల్లా కౌటాల జెడ్పీ హైస్కూల్ స్టూడెంట్స్ శుక్రవారం ఆందోళన చేశారు. హెచ్ ఎం నారాయణ్ సింగ్ కాంప్లెక్స్ పరిధిలోని స్కూల్ విసిట్స్ కు.. టీచర్లు కాంప్లెక్స్ మీటింగ్ కు సిర్పూర్ టీ కి వెళ్లారు. దీంతో మధ్యాహ్నం భోజనం సమయంలో కొందరు విద్యార్థులు స్కూల్ బయట రోడ్డుపైకి అన్నం ప్లేట్లతో వెళ్లి ఆందోళనకు దిగారు.
అన్నం నాణ్యతతో లేదని, రోజూ నీళ్ల పప్పు పెడుతున్నారని, కూరలు , గుడ్లు ఇవ్వడంలేదని నినాదాలు చేశారు. రోడ్డుపైన కూర్చోవడంతోట్రాఫిక్ స్తంభించింది. కౌటాల తహసీల్దారు ప్రమోద్, ఎస్ఐ చంద్రశేఖర్, ఎంఈఓ హన్మంతు వెళ్లి నచ్చజెప్పే ప్రయత్నం చేసినా విద్యార్థులు వినలేదు.
నాణ్యమైన భోజనం అందేలా చూస్తామని హామీ ఇవ్వడంతో స్కూల్ లోకి వెళ్లి.. కొద్దిసేపటికి మళ్లీ బయటకు నిరసన తెలిపారు. మరోసారి అధికారులు వెళ్లి విద్యార్థులను సముదాయించి స్కూల్ లోకి పంపించారు. స్కూల్ లోని ఇబ్బందులపై రాసి ఇవ్వాలని సూచించా రు. వాటిని ఉన్నతాధికారులకు పంపించి పరిష్కరిస్తామని తహసీల్దార్ ప్రమోద్ కుమార్, ఎంఈఓ చెప్పడంతో శాంతించారు.
