నటుడు బ్రహ్మాజీ ప్రధాన పాత్రలో నాగరాజ్ కొట్టే రూపొందిస్తున్న చిత్రం ‘కృష్ణంభజే’. కలాల్ శ్రీనివాస్ నిర్మిస్తున్నారు. ప్రస్తుతం ఈ మూవీ షూటింగ్ శరవేగంగా జరుగుతోంది. శుక్రవారం కృష్ణాష్టమి సందర్భంగా ఈ మూవీ టైటిల్ను రివీల్ చేయడంతోపాటు బ్రహ్మాజీ పాత్రను పరిచయం చేశారు. ఇందులో ఆయన మార్కండేయ పాత్ర పోషిస్తున్నట్టు రివీల్ చేశారు.
ఈ పోస్టర్లోని బ్రహ్మాజీ లుక్ సినిమాపై ఆసక్తిని పెంచేలా ఉంది. పౌరాణిక, భక్తిరస అంశాల కలయికతో ఈ చిత్రాన్ని రూపొందిస్తున్నట్టు మేకర్స్ తెలియజేశారు. ప్రదీష్, వంగమయి పటేల్ జంటగా నటిస్తుండగా, మురళీ గౌడ్, రచ్చ రవి, అభయ్ బెతిగంటి, గౌతమ్ రాజు, దయానంద్ రెడ్డి, యాదమ్మ రాజు కీలక పాత్రలు పోషిస్తున్నారు.
