నిర్మల్, వెలుగు: తెలంగాణ ఇచ్చిన కాంగ్రెస్ కు రాబోయే ఎన్నికల్లో ఒక్క అవకాశం ఇవ్వాలని ఆ పార్టీ నిర్మల్ ఎమ్మెల్యే అభ్యర్థి, డీసీసీ అధ్యక్షుడు కూచాడి శ్రీహరి రావు కోరారు. రూరల్ మండలం కౌట్ల(కే) గ్రామంలో బుధవారం ఎన్నికల ప్రచారం నిర్వహించగా గ్రామంలోని మహిళలు మంగళహారతులతో ఆయనకు స్వాగతం పలికారు. ఈ సంద‌ర్భంగా సోనియా గాంధీ ప్రకటించిన ఆరు హామీల పథకాలను ఇంటింటికీ తిరుగుతూ వివరించారు.
కాంగ్రెస్కు ఓటు వేయాలని అభ్యర్థించారు. పార్టీ గెలుపు కోసం ప్రతి కార్యకర్త కష్టపడి పనిచేయాలని కోరారు. దేశంలోని ప్రజలు శాంతి, సౌభాగ్యాల‌తో జీవించాలంటే అది కేవ‌లం కాంగ్రెస్ ప్రభుత్వంతోనే సాధ్యమతుంద‌న్నారు.
