హైదరాబాద్, వెలుగు: ఎల్ఎల్బీ, ఎల్ఎల్ఎం కోర్సుల్లో చేరేందుకు నిర్వహించే లాసెట్, పీజీఎల్సెట్ షెడ్యూల్ విడుదలైంది. శుక్రవారం హైదరాబాద్లో హయ్యర్ ఎడ్యుకేషన్ కౌన్సిల్ చైర్మన్ ఆర్లింబాద్రి, వైస్ చైర్మన్ వెంకటరమణ షెడ్యూల్ను విడుదల చేశారు. ఈ నెల 6 నుంచి జూన్ 6 వరకూ ఆన్లైన్లో అప్లికేషన్లు తీసుకుంటామని, రూ.500 ఫైన్తో జూన్ 26 వరకు, రూ.వెయ్యి ఫైన్తో జులై 5 వరకు, రూ.2 వేల ఫైన్తో జులై 12 వరకు ఫీజు చెల్లించవచ్చాన్నారు. టీఎస్ లాసెట్లో మూడేండ్ల ఎల్ఎల్బీ కోర్సు, ఐదేండ్ల ఎల్ఎల్బీ కోర్సు కోసం ఎస్సీ, ఎస్టీ, పీహెచ్ విద్యార్థులు రూ.500, మిగిలిన విద్యార్థులు రూ.800 రిజిస్ట్రేషన్ ఫీజు చెల్లించాల్సి ఉంటుంది. ఎల్ఎల్ఎం కోర్సు కోసం పీజీఎల్ సెట్ కు ఎస్సీ, ఎస్టీ, పీహెచ్ అభ్యర్థులకు రూ.800, మిగిలిన వారికి రూ.వెయ్యి ఫీజుగా నిర్ణయించారు. జులై 21, 22 తేదీల్లో లాసెట్, పీజీఎల్ సెట్ పరీక్షలుంటాయి.
