సినిమా సూపర్ స్టార్ రజనీ కాంత్, క్రికెట్ స్టార్ కపిల్ దేవ్ ఒకే తెరపై కనిపించబోతున్నారు. రజనీ నటిస్తున్న లాల్ సలామ్ సినిమాలో కపిల్ దేవ్ కీలక పాత్ర పోషిస్తున్నాడు. రజనీ కూతురు ఐశ్వర్య ఈ సినిమాకు దర్శకత్వం వహిస్తోంది. లైకా ప్రొడక్షన్స్ బ్యానర్‌పై రూపుదిద్దుకుంటున్న ఈ మూవీకి ఏఆర్ రెహమాన్‌ సంగీతం అందిస్తున్నాడు.
విష్ణు విశాల్‌, విక్రాంత్ లీడ్ రోల్స్‌ ప్లే చేస్తున్నారు. అయితే ఇవాళ కపిల్ దేవ్ బర్త్ డే సందర్భంగా లాల్ సలామ్ చిత్ర యూనిట్ ఓ పోస్టర్ రిలీజ్ చేసింది. అందులో కపిల్ దేవ్, రజనీకాంత్ మైదానంలో నడుచుకుంటూ ముచ్చటిస్తున్నారు. లెజెండరీ క్రికెటర్ కపిల్ దేవ్‌‌కి లాల్ సలామ్ టీం నుంచి పుట్టినరోజు శుభాకాంక్షలు అంటూ లైకా ప్రొడక్షన్స్ ఈ పోస్టర్ విడుదల చేసింది.
