వెంకటాపూర్( రామప్ప), వెలుగు: యునెస్కో గుర్తింపు పొందిన రామప్ప టెంపుల్ సందర్శించే పర్యటకులు, భక్తులకు ఇబ్బందులు కలిగిస్తే చర్యలు తప్పవని వెంకటాపూర్ ఎస్సై చల్ల రాజు హెచ్చరించారు. ఆదివారం ఆలయ పరిసరాల్లో మద్యం నిషేధం, రామప్ప సరస్సులో ఈతకు వెళ్లి మృత్యువాత పడకూడదని పేర్కొంటూ ఫ్లెక్సీలను ఏర్పాటు చేశారు. ఈ సందర్భంగా ఎస్సై మాట్లాడుతూ యునెస్కో గుర్తింపు పొందిన రామప్ప టెంపుల్ పరిసరాలను అపవిత్రం చేయకూడదని, ప్రతిరోజు పోలీసులు రామప్పలో గస్తీ నిర్వహిస్తారని, భక్తులకు, పర్యాటకులకు ఎలాంటి ఇబ్బందులు ఎదురైనా స్థానిక పోలీసులను సంప్రదించాలని కోరారు.
