మేడిపల్లి : మద్యం మత్తులో ఓవర్స్పీడ్ తో ఓ యువకుడు కారుతో బీభత్సం సృష్టించాడు. మేడిపల్లి సీఐ జలేందర్ రెడ్డి కథనం ప్రకారం.. గురువారం ఉదయం పీర్జాదిగూడ వరంగల్ హైవేపై పిల్లర్ నంబర్ 57 సమీపంలోని హెచ్‌పీ పెట్రోల్ బంక్ వద్ద ఓవర్స్పీడ్తో వచ్చిన ఓ కారు ముందు వెళ్తున్న కారును ఢీకొట్టింది.
దీంతో ముందు వెళ్తున్న కారు పల్టీ కొట్టింది. తర్వాత వెనక వస్తున్న కారు స్తంభాన్ని ఢీకొట్టి ఆగిపోయింది. ఈ ఘటనలో ముందు వెళ్తున్న కారులోని సాయిశివ (30), ఆయన భార్య మేఘన (28) గాయపడ్డారు. ఢీకొట్టిన కారు నడిపిన ఆకున్ సబర్వాల్ (19) మందు తాగి ఉన్నాడని పోలీసుల విచారణలో తేలింది.
రీడింగ్చెక్చేయగా, 238 వచ్చిందని తెలిపారు. అతడికి లైసెన్స్ లేదని, కారు నంబర్ ప్లేట్ కూడా నకిలీదిగా గుర్తించారు. దీంతో సబర్వాల్తో పాటు కారు ఇచ్చిన యజమాని మంగీలాల్పై కేసు నమోదు చేశారు.
