అయోధ్య రామ మందిరంలో బాల రాముడి విగ్రహ ప్రాణ ప్రతిష్ఠ జరుగుతున్న నేపథ్యంలో శ్రీరామచంద్ర భగవానుడికి అంకితం ఇస్తూ ‘మిషన్ సి 1000’ సినిమా నుంచి శ్రీరాముడి పాటను విడుదల చేశారు. శ్రీధర్ ఆత్రేయ సంగీతం అందించిన ఈ పాటను విజయ్ ప్రకాష్ పాడారు. రాముడి గొప్పతనాన్ని తెలియజేస్తూ జేవీపీ రాసిన లిరిక్స్ ఆకట్టుకుంటున్నాయి.
తేజేశ్వర్ హీరోగా నటిస్తూ డైరెక్ట్ చేస్తున్న ఈ మూవీ షూటింగ్ పూర్తయింది. ప్రస్తుతం పోస్ట్ ప్రొడక్షన్ పనులు జరుగుతున్నాయి. మార్చిలో సినిమా రిలీజ్‌ చేసేలా ప్లాన్ చేస్తున్నారు. ప్రజ్ణ నయన్ హీరోయిన్‌‌గా నటిస్తున్న ఈ చిత్రంలో జయప్రకాష్, కబీర్ సింగ్, సంజయ్ పాండే, అనీష్ కురువిల్లా, కాళీ చరణ్ ముఖ్య పాత్రలు పోషిస్తున్నారు.
