శివ కందుకూరి హీరోగా తెరకెక్కుతున్న డిటెక్టివ్ కామెడీ థ్రిల్లర్ ‘భూతద్దం భాస్కర్ నారాయణ’. పురుషోత్తం రాజ్ దర్శకుడు. స్నేహల్ జంగాల, శశిధర్ కాశి, కార్తీక్ ముడుంబి నిర్మిస్తున్నారు. శుక్రవారం ఈ మూవీ టైటిల్ సాంగ్ను రిలీజ్ చేశారు. ‘సూటు బూటు అక్కర్లేని డిటెక్టివ్ వీడు.. జాగ్రత్త భయ్యా ఓరయ్యా.. నేరాలు చేశాక మడతేనయ్యా.. కేస్ ఏదైనా.. ప్లేస్ ఏదైనా చూపే పడితే మటాషే.. ’ అంటూ పాటలో హీరో క్యారెక్టరైజేషన్ను వివరించారు.
శ్రీచరణ్ పాకాల ట్యూన్ చేసి, పాడిన ఈ పాట క్యాచీగా ఉంది. పురోషోత్తం రాజ్, సురేష్ బనిశెట్టి కలిసి లిరిక్స్ రాశారు. విలేజ్ బ్యాక్డ్రాప్లో తెరకెక్కుతోన్న ఈ చిత్రం కంప్లీట్ ఎంటర్టైనింగ్గా ఉంటుందని మేకర్స్ చెబుతున్నారు. ఫిబ్రవరిలో ఈ చిత్రాన్ని విడుదల చేయడానికి ప్లాన్ చేస్తున్నారు. రాశి సింగ్ హీరోయిన్గా నటిస్తున్న ఈ చిత్రంలో అరుణ్, దేవి ప్రసాద్, షఫీ, శివన్నారాయణ, కల్పలత కీలక పాత్రలు పోషిస్తున్నారు.