స్మార్ట్ ఫోన్ అంటే ఇష్టమున్న ప్రతి ఒక్కరికి ఐఫోన్ కొనాలనే ఇంట్రెస్ట్ ఉంటుంది. కానీ దాని ఖరీదు చూసి చాలా మంది సామాన్యులు కొనడానికి వెనుకాడుతుంటారు. సామాన్యులే వెనకాడుతుంటే ఓ బిచ్చగాడు ఐ ఫోన్ కొనగలడా కలలో కూడా అసాధ్యమే కదా.. పోనీ ఐ ఫోన్ కొంటానని షోరూమ్ కు వెళ్తే అతన్ని కనీసం లోపలికి రానిస్తారా.. అది పోనీ డబ్బు మొత్తం చిల్లరగానే ఇస్తానంటే అందుకు ఒప్పుకుంటారా కష్టం కదా..
సరిగ్గా ఇవే ప్రశ్నలతో ఎక్స్‌పెరిమెంట్ కింగ్ అనే యూట్యూబ్‌ ఛానల్‌ నిర్వాహకులు ఓ ప్రయోగాన్ని చెపట్టారు. అందులోని ఓ టీమ్ మెంబర్ బిచ్చగాడిలాగా వేషం కట్టుకుని, చేతిలో ఓ చిల్లర పైసలతో ఉన్న ఓ సంచిని భుజానికి వేసుకుని వెళ్లాడు. ముందుగా రాజస్థాన్ లోని జోధ్‌పూర్‌లో కొన్ని మొబైల్‌ షోరూంలు తిరిగాడు. అతన్ని చాలా మంది లోపలికి కూడా రానివ్వలేదు.
చివరగా ఓ షాపు యజమాని మాత్రం చిల్లర తీసుకొని తనకు ఐ ఫోన్ ప్రో మ్యాక్స్‌ మోడల్‌ను అందజేశాడు. అయితే ఇదంతా ప్రాంక్‌ అని, తాను నిజమైన బిచ్చగాడిని కాదని, చెప్పడంతో ఆ షాపు యజమాని ఆశ్చర్యపోయాడు. దీనికి సంబంధించిన వీడియో సోషల్ మీడియాలో వైరల్ గా మారింది. ఈ వైరల్ వీడియో ఇప్పటివరకు 36 మిలియన్ల వ్యూస్ అందుకుంది.
దీనిపై సోషల్ మీడియాలో నెటిజన్లు చాలా ఫన్నీగా స్పందిస్తున్నారు. షాపు యజమానికి కస్టమరే దేవుడు. అందుకే చిల్లర తీసుకొని మరీ ఐ ఫోన్ ఇచ్చేశాడని కొంతమంది ,కామెంట్ చేయగా, ఇవన్నీ చాలా ఓల్డ్ బ్రో.. కొత్తగా ఏమైనా ఉంటే ట్రై చేయండంటూ మరికొందరు సలహా ఇస్తున్నారు.
