- 2 గంటల వానకే సిటీ పరేషాన్
సిటీలో సోమవారం ఉదయం 2 గంటల పాటు కురిసిన భారీ వానకు పలు కాలనీలు నీట మునిగాయి. మెయిన్ రోడ్లపై నీళ్లు నిలవడంతో పలుప్రాంతాల్లో ట్రాఫిక్ జామ్ అయ్యింది. వాహనదారులు ఇబ్బంది పడ్డారు. మల్కాజిగిరి, ఈస్ట్ ఆనంద్బాగ్ డివిజన్ పరిధిలోని లోతట్టు ప్రాంతాలు, నాలాలను మల్కాజిగిరి డీఈ లౌక్య, ఏఈ శ్రీకాంత్తో కలిసి కార్పొరేటర్ ప్రేమ్కుమార్ పరిశీలించారు. అవసరమైన చోట వెంటనే నాలాల రిపేర్లు చేపట్టాలని అధికారులకు సూచించారు. జంట జలాశయాల నుంచి అవుట్ ఫ్లో కొనసాగుతోంది.
ప్రస్తుతం ఉస్మాన్సాగర్ ఇన్ఫ్లో వెయ్యి క్యూసెక్కులు, ఔట్ ఫ్లో 1,552 క్యూసెక్కులుగా ఉంది. పూర్తిస్థాయి నీటిమట్టం 1,790 అడుగులు కాగా, ప్రస్తుతం 1,786.65 అడుగుల నీరు ఉంది. అలాగే హిమాయత్ సాగర్కు 600 క్యూసెక్కుల ఇన్ఫ్లో ఉండగా, అవుట్ ఫ్లో 660 క్యూసెక్కులుగా కొనసాగుతోంది. పూర్తి నీటిమట్టం 1,763.50 అడుగులు కాగా.. 1,761.20 అడుగుల నీరు ఉంది. ప్రస్తుతం 2 గేట్ల ద్వారా నీటిని మూసీకి విడుదల చేస్తున్నారు.
– వెలుగు,హైదరాబాద్/మల్కాజిగిరి
