మెగాస్టార్ చిరంజీవి(Chiranjeevi) ప్రస్తుతం భోళా శంకర్(Bhola Shankar) రిలీజ్ తో ఫుల్ బిజీ బిజీగా గడుపుతున్నారు. మెహర్ రమేష్(Meher Ramesh) దర్శకత్వం వహిస్తున్న ఈ అవుట్ అండ్ అవుట్ యాక్షన్ ఎంటర్టైనర్ ఆగస్టు 11న ప్రేక్షకుల ముందుకు రానుంది. తమన్నా(Thamannaah), కీర్తి సురేష్(Keerthi Suresh), సుశాంత్(Sushanth) ప్రధాన పాత్రల్లో వస్తున్న ఈ సినిమాపై అంచనాలు భారీగా నెలకొన్నాయి.
అయితే ఈ సినిమా తరువాత మెగాస్టార్ చేయబోయే సినిమాపై ఆసక్తినెలకొంది. దానికి కారణం చిరు తరువాతి సినిమా లిస్టులో చాలా మంది దర్శకుల పేర్లు వినిపిస్తున్నాయి. అందులో టాలెంటెడ్ దర్శకుడు అనిల్ రావిపూడి(Anil Ravipudi) ఒకరు. ఈ దర్శకుడి సినిమాలకు టాలీవుడ్ లో మంచి క్రేజ్ ఉంది. కామెడీ సినిమాలకు కేరాఫ్ గా మారిపోయాడు అనిల్. దీంతో ఈ దర్శకుడు తన తరువాతి సినిమాను చిరంజీవితో చేయనున్నాడు అనే వార్తలు బలంగా వినిపిస్తున్నాయి. ఈ ప్రాజెక్టు కోసం అనిల్ చంటబ్బాయి స్టైల్లో అవుట్ అండ్ అవుట్ కామెడీ ఎంటర్టైనర్ కథను సిద్ధం చేశారట. బాస్ నుండి ఒక కాల్ వస్తే చాలు ఒప్పించడానికి సిద్ధంగా ఉన్నాడట అనిల్. ఈ ప్రాజెక్టు గనక ఓకే అయితే.. చిరు నుండి చాలా రోజుల తరువాత పక్కా ఎంటర్టైనర్ మూవీ రావడం ఖాయంగా కనిపిస్తోంది. అంతేకాదు.. ఈ సినిమాలో చిరు డైలాగ్స్ అండ్ బాడీ లాంగ్వేజ్ చాలా డిఫరెంట్ గా ఉండనున్నాయని సమాచారం.
ఇక అనిల్ రావిపూడి ప్రస్తుతం మాస్ హీరో బాలకృష్ణ(Balakrishna)తో భగవంత్ కేసరి(Bhagavanth Kesari) సినిమా చేస్తున్నారు. మాస్ మసాలా మూవీగా తెరకెక్కుతున్న ఈ సినిమా కోసం బాలయ్య ఫ్యాన్స్ ఈగర్ గా వెయిట్ చేస్తున్నారు. త్వరలో థియేటర్స్ లోకి రానున్న రిజల్ట్ పైనే అనిల్, చిరు కాంబో ఆధారపడి ఉండనే వాదనలు వినిపిస్తున్నాయి.
