టాలీవుడ్ కింగ్ నాగార్జున(Nagarjuna) హీరోగా వస్తున్న లేటెస్ట్ మూవీ నా సామిరంగ(Naa Saamiranga). ప్రముఖ డాన్స్ కొరియోగ్రాఫర్ విజయ్ బిన్నీ(Vijay Binny) దర్శకత్వం వహిస్తున్న ఈ సినిమా సంక్రాంతి కానుకగా జనవరి 14న ప్రేక్షకుల ముందుకు రానుంది. అమిగోస్ బ్యూటీ ఆషికా రంగనాథ్ హీరోయిన్ గా నటిస్తున్న ఈ సినిమాను శ్రీనివాస సిల్వర్ స్క్రీన్ పతాకంపై శ్రీనివాస చిట్టూరి నిర్మిస్తున్నారు. ఆస్కార్ విజేత ఎంఎం కీరవాణి సంగీతం అందిస్తున్నారు.
రిలీజ్ దగ్గర పడుతుండటంతో ప్రమోషన్స్ మొదలుపెట్టిన చిత్ర యూనిట్.. తాజాగా ఈ సినిమా నుండి నాసామి రంగ టైటిల్ సాంగ్ ను రిలీజ్ చేశారు. మా జోలికొస్తే.. మాకడ్డువస్తే.. మామూలుగా ఉండదు నా సామిరంగ... ఈ గీత తొక్కితే.. మా సేత సిక్కితే.. మామూలుగా ఉండదు నా సామిరంగ.. అంటూ సాగిన ఈ పాట మాస్ ఆడియన్స్ తెగ అట్రాక్ట్ చేస్తోంది. కీరవాణి అందించిన బీట్ కూడా నెక్స్ట్ లెవల్లో ఉండటంతో ఈ పాట సూపర్ సక్సెస్ అయ్యింది. ఇక ఈ మధ్య వచ్చిన టీజర్ కూడా సూపర్ గా ఉండటంతో.. ఈ సినిమా సంక్రాంతికి పక్కా పైసా వసూల్ సినిమా అవుతుందని నాగార్జున ఫాన్స్ కామెంట్స్ చేస్తున్నారు.
