టాలీవుడ్ యంగ్ హీరో అఖిల్ అక్కినేని, టాలెంటెడ్ బ్యూటీ భాగ్యశ్రీ బోర్సే జంటగా దర్శకుడు మురళీ కిషోర్ అబ్బూరు తెరకెక్కించిన మోస్ట్ అవైటెడ్ మూవీ 'లెనిన్'. సూర్యదేవర నాగవంశీతో కలిసి కింగ్ నాగార్జున స్వయంగా నిర్మించిన ఈ చిత్రం జూలై 10న ప్రపంచవ్యాప్తంగా భారీ స్థాయిలో విడుదల కాబోతోంది. ఇప్పటికే ఈ మూవీపై భారీ అంచనాలు నెలకొన్నాయి. లేటెస్ట్ ఈ మూవీ చిత్ర బృందం ప్రెస్ మీట్ నిర్వహించి కీలక విషయాలను వెల్లడించింది..
ప్రేక్షకులను మోసం చేయడం ఇష్టం లేకే లేట్..
నిజానికి ఈ సినిమా జూన్లోనే రావాల్సింది. అయితే రిలీజ్ వాయిదా పడటంపై నాగార్జున సంచలన వ్యాఖ్యలు చేశారు. మేం ఈ సినిమాను కేవలం ఓటీటీ మార్కెట్ కోసమో, లాభాల కోసమో తీయలేదు. ప్రేక్షకులకు బెస్ట్ అవుట్పుట్ ఇవ్వడమే మా లక్ష్యం. టెక్నికల్గా ఇంకా పర్ఫెక్ట్గా రావడం కోసమే మరో రెండు వారాలు టైమ్ తీసుకున్నాం. ఆడియన్స్ను మోసం చేయడం ఇష్టం లేకే ఈ నిర్ణయంఅంటూ నాగ్ క్లారిటీ ఇచ్చారు. మా నాన్నగారి క్లాసిక్ మూవీ 'మనం'ప్రమోషన్స్ తర్వాత.. మళ్లీ నా బిడ్డ అఖిల్ సినిమా కోసమే నేను ఇంతగా ఇన్వాల్వ్ అయి పని చేస్తున్నా అంటూ నాగ్ ఎమోషనల్ అయ్యారు.
నన్ను మార్చేసిన 'లెనిన్'..
ఈ కథ విన్నాక నాలో చాలా మార్పు వచ్చిందని చెప్పారు అఖిల్. ఎంతో ప్రశాంతంగా మారిపోయాను. 'లెనిన్' పాత్ర కోసం నన్ను నేను మానసికంగా సిద్ధం చేసుకున్నాను. జూలై 10న థియేటర్లలో కంటెంటే మాట్లాడుతుంది అంటూ ఫుల్ కాన్ఫిడెన్స్తో చెప్పాడు. ఈ చిత్రంలో శివాజీ, బ్రహ్మాజీ, ఈశ్వరీ రావు కీలక పాత్రలు పోషించగా, థమన్ సంగీతం అందించారు. శ్రీరామాపురం అనే ఊరి నేపథ్యంలో సాగే ఈ కథ అక్కినేని ఫ్యాన్స్కు సరికొత్త అనుభూతిని ఇవ్వబోతోంది.
తెల్లవారుజామున 5 గంటలకే ఆట..
ఈ మధ్య టాలీవుడ్లో పెయిడ్ ప్రీమియర్స్ ట్రెండ్ నడుస్తోంది. కానీ 'లెనిన్' టీమ్ మాత్రం ఎలాంటి ప్రీమియర్స్ లేకుండా నేరుగా పబ్లిక్ షోలకే వెళ్తోంది. జూలై 10న ఉదయం 5 గంటలకే ఇండియాలో షోలు ప్రారంభం కానున్నాయి. అటు ఓవర్సీస్లోనూ ఇండియన్ టైమ్ ప్రకారం తెల్లవారుజామున 4:30 గంటలకే షోలు పడబోతున్నాయి. అంటే వరల్డ్ వైడ్ ఒకేసారి 'లెనిన్' హంగామా షురూ కానుంది. మరి సరికొత్త లుక్లో రాబోతున్న అఖిల్కు ఈ సినిమా ఎలాంటి బ్రేక్ ఇస్తుందో చూడాలి..
