టాలీవుడ్ కింగ్ నాగార్జున(Nagarjuna) హీరోగా వచ్చిన లేటెస్ట్ మూవీ నా సామిరంగ(Naa Saamiranga). విజయ్ బిన్నీ(Vijay Binny) దర్శకత్వంలో వచ్చిన ఈ సినిమాలో అల్లరి నరేష్, రాజ్ తరుణ్ కీ రోల్స్ ప్లే చేయగా.. సంక్రాంతి కానుకగా జనవరి 14న ప్రేక్షకుల ముందుకు వచ్చింది ఈ మూవీ. అసలు ఏమాత్రం అంచనాలు లేకుండా వచ్చిన ఈ సినిమా ఊహించని విదంగా హిట్ టాక్ అందుకుంది. పండుగ సెలవులు, ఫ్యామిలీ అండ్ ఎమోషనల్ డ్రామా మూవీ కావడంతో.. ప్రేక్షకులు ఈ సినిమాను చూసేందుకు ఇష్టపడుస్తున్నారు. దీంతో కలెక్షన్స్ కూడా అదే రేంజ్ లో వస్తున్నాయి.
నా సామిరంగ సినిమాకు మొదటిరోజు అదిరిపోయే కలెక్షన్స్ వచ్చాయి. ప్రపంచవ్యాప్తంగా మొదటిరోజు రూ.8.7 కోట్లు కలెక్ట్ చేసింది ఈ మూవీ. ఇక్కడ మరో విశేషం ఏంటంటే.. మొదటిరోజు కంటే రెండోరోజు ఎక్కువ కలెక్షన్స్ సాధించింది ఈ మూవీ. రెండు రోజు ఏకంగా రూ.8.8 కోట్ల వసూళ్లు రాబట్టి ట్రేడ్ వర్గాలను ఆశ్చర్యపరిచింది. నిజానికి ఈ సంక్రాంతికి నాలుగు సినిమాకు గట్టి పోటీ ఉంది. అంత కాంపిటీషన్ లో సైతం నా సామిరంగ సినిమాకు ఈ రేంజ్ కలెక్షన్స్ వచ్చాయంటే అది మామూలు విషయం కాదు. ఇక మొత్తంగా రెండు రోజులకు కలిపి రూ.17.8 కోట్లు రాబట్టి సూపర్ హిట్ గా నిలిచింది నా సామిరంగ. రానున్న రోజుల్లో ఈ కలెక్షన్స్ ఇంకా పెరిగే అవకాశం ఉందని ట్రేడ్ వర్గాలు అంచనా వేస్తున్నాయి. దీంతో చాలా రోజుల తరువాత నాగార్జునకు నా సామిరంగ రూపంలో భారీ బ్లాక్ బస్టర్ పడింది.
