న్యూఢిల్లీ, వెలుగు: కాళేశ్వరం ప్రాజెక్ట్పై దాఖలైన పిటిషన్లపై తీర్పును నేషనల్ గ్రీన్ ట్రిబ్యూనల్(ఎన్జీటీ) ఈ నెల 20కి వాయిదా వేసింది. ఈ మేరకు ఆర్డర్ కాపీని రిజర్వ్ చేసినట్లు జస్టిస్ ఏకే గోయల్ ఆధ్వర్యంలోని ధర్మాసనం సోమవారం వెల్లడించింది. కేసుకు సంబంధించి అన్ని పిటిషన్లపై వాదనలు ముగిశా యంది. 2018 లో హయతుద్దీన్ అనే వ్యక్తి కాళేశ్వరం ప్రాజెక్టుపై ఎన్జీటీని ఆశ్రయించారు. ప్రాజెక్టు డిజైన్ మార్చాక రాష్ట్ర సర్కారు పర్యావరణ అనుమతులు తీసుకోలేదని ఆరోపించారు. ఎన్జీటీలో ఈ పిటిషన్పై రెండేళ్లుగా విచారణ కొనసాగుతూ వస్తోంది. మరోవైపు, ఇదే అంశంపై సిద్దిపేటకు చెందిన తుమ్మనపల్లి శ్రీనివాస్ సహా పలువురు ఎన్జీటీని ఆశ్రయించారు.
