రెస్టారెంట్లు, హోటళ్లను చెకింగ్​లు చేస్తలె

• పాడైపోతున్న ఫుడ్ పెడుతున్నా పట్టించుకోని బల్దియా
• ఫుడ్ క్వాలిటీపై చెక్ చేయని ఫుడ్ సేఫ్టీ ఆఫీసర్లు
• ఆన్ లైన్ డెలివరీలపైనా ఫోకస్ పెట్టట్లేదు
• బల్దియా అధికారుల తీరుపై జనం ఆగ్రహం

హైదరాబాద్, వెలుగు: ఫుడ్ వాసన వస్తుందని.. క్వాలిటీగా లేదని.. ఫ్రిజ్​లో పెట్టినవి వేడి చేసి డెలివరీ చేస్తున్నారని.. ఇలా సిటీలోని రెస్టారెంట్లు, హోటల్స్​పై బల్దియాకు కంప్లయింట్లు వెళ్తున్నాయి. ఇటీవలే ఓ వ్యక్తి చికెన్​ బిర్యానీలో పీస్​లేదంటూ కేటీఆర్​కు ట్విట్​చేయడం వైరల్​గా మారింది. కొద్దిరోజులుగా వీటి సంఖ్య పెరిగిపోయింది.  ప్రతిరోజూ ఆన్​లైన్​లో 40 మంది , డైరెక్ట్​గా 20 మంది వరకు కంప్లయింట్లు చేస్తున్నారు. కొంతమంది సోషల్ మీడియాలో పోస్టులుగా పెడుతుండగా.. మరికొందరు బల్దియా దృష్టికి తీసుకెళ్తు న్నారు. ఆర్నెళ్లలోనే 400పైగా ఫిర్యాదులు వెళ్లాయి. సెప్టెంబర్, అక్టోబర్​లో వీటి సంఖ్య చాలా ఎక్కువగా ఉంది. టోల్​ఫ్రీ నంబర్​ కాల్ చేస్తే సంబంధిత అధికారులు రెస్పాండ్ ​కావడం లేదని కొందరు ఆరోపిస్తున్నారు. ఆన్​లైన్​ఫుడ్ డెలివరీలపై కూడా కంప్లయింట్లు వెళ్తుండగా ఫుడ్​ఇన్​స్పెక్టర్లు  ఎలాంటి చర్యలు తీసుకోవడంలేదు. 
క్వాలిటీకి ప్రయారిటీ ఇస్తుండగా..
కరోనా తర్వాత ఇప్పుడిప్పుడే జనాలు హోటల్​ఫుడ్​పై ఇంట్రెస్ట్​చూపిస్తుండగా క్వాలిటీ ఫుడ్​కు ప్రయారిటీ ఇస్తున్నారు. పార్టీలు, ఫెస్టివల్స్​ టైమ్​లో ఫ్యామిలీస్​, ఫ్రెండ్స్​తో వెళ్తుండగా హోటల్స్, రెస్టారెంట్లు సందడిగా ఉంటుంటాయి. వీకెండ్స్​లోనైతే రష్​ఎక్కువగా ఉంటుంది. ఫుల్ రేటింగ్ ఉన్న హోటల్స్, రెస్టారెంట్లను ఆన్​లైన్​లో సెర్చ్​చేసి మరి వెళ్తున్నారు. 
కంప్లయింట్​ సెల్​కు వచ్చిన వాటిని.. 
హోటల్స్​, రెస్టారెంట్స్​, స్టార్​ హోటల్స్​లో ఎప్పటికప్పుడు చెకింగ్​లు చేయాల్సిన బల్దియా ఫుడ్ సేఫ్టీ ఆఫీసర్లు లైట్ గా తీసుకుంటున్నారు.  బల్దియా కంప్లయింట్​ సెల్​కు వచ్చిన కంప్లయింట్లను  కూడా పట్టించుకోవడంలేదు.  ఆన్​లైన్​లో వచ్చిన ఫిర్యాదులు ఏమవుతాయో కూడా తెలియదు. గ్రేటర్ లోని 30 సర్కిళ్ల లో కొత్తగా వచ్చిన ఫుడ్ సేఫ్టీ ఆఫీసర్లతో కలిపి ప్రస్తుతం 21 మంది సిబ్బంది ఉన్నారు. వీరు చెకింగ్​లు చేయాలంటే డిజిగ్నేటెడ్ ఆఫీసర్ల పర్మిషన్ కంపల్సరీగా ఉండాలి.  అయితే ఫుడ్ సేఫ్టీ ఆఫీసర్లు ఎక్కడ కూడా తనిఖీలు చేయడం లేదనే విమర్శలు వస్తున్నాయి. బల్దియాకు వచ్చిన కంప్లయింట్స్​ చూస్తున్నారే కానీ చెకింగ్​లు  మాత్రం చేయడం లేదనే ఆరోపణలు ఉన్నాయి. 
ఆన్సర్ ​ఇవ్వని ఫుడ్​సేఫ్టీ ఆఫీసర్​ 
సిటీలో రెస్టారెంట్లు, హోటల్స్​లో ఫుడ్​చెకింగ్​లు చేసే బల్దియా ఫుడ్ సేఫ్టీ ఆఫీసర్ ను అడిగితే.. ఎక్కడైనా ఫుడ్ బాగలేకపోతే ఆన్​లైన్​లో, డయల్100, 040- 21111111కు కంప్లయింట్​చేస్తే యాక్షన్​తీసుకుంటామని చెప్పారు. రెండు నెలల్లో ఎన్ని కంప్లయింట్లు వచ్చాయని, ఎన్ని హోటల్స్​పై చర్యలు తీసుకున్నారని ప్రశ్నించగా ఆయన సమాధానం చెప్పకుండా దాటవేశారు.