టాలీవుడ్ హీరో నితిన్(Nithin) నటించిన ఎక్స్ట్రా ఆర్డినరి మ్యాన్ అనే సినిమా..డిసెంబర్ 8న థియోటర్లలోకి రానుంది. ఇప్పటికే విడుదలైన పోస్టర్లు, టీజర్, ట్రైలర్ తో పాటు సాంగ్స్ కూడా హైలెట్ గా నిలిచాయి. ఈ మూవీలో నితిన్ కు జోడిగా శ్రీ లీల(Sreeleela) నటించింది.
లేటెస్ట్గా ఈ మూవీ నుంచి థర్డ్ సింగిల్ (Ole Ole Paapaayi) లిరికల్ సాంగ్ రిలీజ్ చేశారు మేకర్స్. ఓలే ఓలే పాపాయి..పలాసాకే వచ్చేయ్..ఎర్ర ఎర్ర ఎర్రగున్న ఎర్రమీనురో..జర్ర జర్ర జారిపోయే కుర్రమీనురో..అదిరిపోయే ఈ మాస్ సాంగ్కు కాసర్ల శ్యామ్ లిరిక్స్ అందించారు. జానీ మాస్టర్ కోరియోగ్రఫీ అందించిన ఈ సాంగ్ను రామ్ మిరియాల,ప్రియా హేమేష్ పాడారు.
ఈ పాటలో నితిన్ శ్రీలీల మాస్ స్టెప్పులతో ఇరగదీశారు. నితిన్ ప్రతి సినిమాలో కూడా తనదైన డాన్స్తో డిఫరెంట్గా ఆకట్టుకునే ప్రయత్నం చేస్తూ ఉంటాడు. ఇక అతనికి శ్రీలీల స్టెప్పులు తోడవ్వడంతో..వీరి కలయికకు థియేటర్స్లో మాస్ విజిల్స్ పడిపోవడం కన్ఫమ్ అనిపిస్తోంది. ఇక ఈ పాటలో నితిన్ ,శ్రీ లీల డ్రెస్సింగ్ స్టైల్ అందరినీ ఎంతగానో ఆకట్టుకుంటున్నాయి. ఒకపక్క తీన్మార్ బ్యాండ్ మోత మోగుతుంటే..ఇంకోపక్క శ్రీ లీల కిర్రాక్ మాస్ స్టెప్స్తో అదరగొడుతుంటే..థియేటర్లో ఫాన్స్కి పూనకాలు లోడింగే..అనడంలో ఎటువంటి డౌట్ లేదు. ఈ సినిమాకు మ్యూజిక్ సెన్సేషన్ హరీష్ జయరాజ్ సంగీతం అందిస్తున్నారు.
వక్కంతం వంశీ దర్శకత్వం వహిస్తున్న ఈ చిత్రంలో యాంగ్రీ మ్యాన్ రాజశేఖర్ కీలక పాత్రలో నటిస్తున్నాడు.శ్రేష్ఠ్ మూవీస్, ఆదిత్య మూవీస్, రుచిర ఎంటర్‌‌‌‌టైన్‌‌మెంట్స్ సంస్థలు కలిసి ఈ సినిమాని నిర్మిస్తున్నాయి.
