హైదరాబాద్, వెలుగు: సినిమా మేకింగ్ పై జనవరి 3న వన్డే వర్క్ షాప్ నిర్వహిస్తున్నామని భాషా సాంస్కృతిక శాఖ డైరెక్టర్ మామిడి హరికృష్ణ వెల్లడించారు. వర్క్ షాప్ కు సంబంధించిన పోస్టర్ ను బుధవారం ఆవిష్కరించారు.
‘డైరెక్షన్ డిపార్టుమెంట్ డైరీ’ పేరుతో నిర్వహిస్తున్న కార్యక్రమంలో 40 మంది ఔత్సాహిక దర్శకులకు ప్రీ ప్రొడక్షన్, ప్రొడక్షన్, పోస్ట్ ప్రొడక్షన్ డిపార్టుమెంట్లలో ఏయే పనులు చేయాలనే దానిపై అవగాహన కల్పిస్తామన్నారు. క్యాస్టూమ్స్, డైలాగ్స్, డిక్షన్, క్యారెక్టర్ అప్పియరింగ్, సీనిక్ ఆర్డర్, సీన్స్, స్క్రీన్ ప్లే తదితర అంశాల్లో శిక్షణ ఇస్తామని తెలిపారు. ఆసక్తికల వారు గురువారం నుంచి జనవరి 1వ తేదీలోపు 8091499220, 7780712792 నంబర్లకు ఫోన్ చేసి రిజిస్ట్రేషన్ చేసుకోవాలని సూచించారు.
