సందీప్ కిషన్ హీరోగా వీఐ ఆనంద్ దర్శకత్వంలో తెరకెక్కిన ఫాంటసీ అడ్వెంచర్ మూవీ ‘ఊరు పేరు భైరవకోన’. అనిల్ సుంకర సమర్పణలో రాజేష్ దండా నిర్మించారు. బాలాజీ గుత్తా కో ప్రొడ్యూసర్. ఫిబ్రవరి 9న ఈ సినిమా విడుదల కావాల్సి ఉంది. అయితే ‘ఈగల్’ చిత్రం కోసం తెలుగు ఫిల్మ్ ఛాంబర్ ఆఫ్ కామర్స్ తీస్తున్న నిర్ణయాన్ని గౌరవిస్తూ, నిర్మాతలు రిలీజ్‌ డేట్‌‌‌‌‌‌‌‌ను మార్చారు. ఓ వారం ఆలస్యంగా, అంటే ఫిబ్రవరి 16న విడుదల చేయబోతున్నట్టు ప్రకటించారు. ఈ సందర్భంగా విడుదల చేసిన కొత్త పోస్టర్ ఆకట్టుకుంది. కావ్య థాపర్, వర్ష బొల్లమ్మ హీరోయిన్స్‌‌‌‌‌‌‌‌గా నటిస్తున్న ఈ చిత్రానికి శేఖర్ చంద్ర సంగీతం అందిస్తున్నాడు. భాను భోగవరపు, నందు సవిరిగాన డైలాగ్స్ రాశారు.
