- సర్పంచ్ పదవులకు 188, వార్డు సభ్యులకు 276
నిర్మల్, వెలుగు: నిర్మల్ జిల్లాలో సర్పంచ్ ఎన్నికల కోసం రెండో రోజు కూడా పెద్ద సంఖ్యలో నామినేషన్లు దాఖలయ్యాయి. 13 6 గ్రామపంచాయతీలకు సంబంధించి రెండో రోజు సర్పంచ్ పదవులకు 188 నామినేషన్లను అభ్యర్థులు సమర్పించారు.
దస్తురాబాద్ మండలంలో 24, కడెం పెద్దూర్ మండలంలో 52, ఖానాపూర్లో 14, పెంబిలో 26, మామడలో 35, లక్ష్మణచాంద మండలంలో 37 నామినేషన్లు దాఖలయ్యాయి. 1072 వార్డు సభ్యులకు గాను రెండో రోజు 276 నామినేషన్లు వచ్చాయి. రెండు రోజుల్లో ఇప్పటివరకు సర్పంచ్ పదవుల కోసం మొత్తం 277 నామినేషన్లు, వార్డు సభ్యుల పదవుల కోసం 302 నామినేషన్లు దాఖలయ్యాయి.
లక్సెట్టిపేటలో సర్పంచ్ స్థానాలకు 24
లక్సెట్టిపేట, వెలుగు: మంచిర్యాల జిల్లా లక్సెట్టిపేట మండలంలో 18 గ్రామ పంచాయతీ స్థానాలకు గానూ శుక్రవారం 24 మంది అభ్యర్థులు తమ నామినేషన్ దాఖలు చేశారు. అలాగే 160 వార్డు మెంబర్ స్థానాలకు గాను 35 మంది తమ నామినేషన్లు సమర్పించారు.
