పార్లమెంటు శీతాకాల సమావేశాలు 2025 డిసెంబర్ 01 నుంచి ప్రారంభం కానున్నాయి. అందులో భాగంగా ఆదివారం (నవంబర్ 30) పార్లమెంట్ వ్యవహారాల మంత్రి కిరెన్ రిజుజు ఆధ్యక్షతన ఆల్ పార్టీ మీటింగ్ నిర్వహించారు. పార్లమెంట్ అనుంబధ (అనెక్స్) భవన్ నిర్వహించిన సమావేశం ముగిసింది.
సమావేశంలో 36 పార్టీల నుంచి 50 మంది నేతలు పాల్గొన్నారు. ఈ భేటీలో పార్లమెంట్ సమావేశాలు సజావుగా సాగేలా సహకరించాలని అఖిలపక్షాలను కోరింది కేంద్రం. ఈ సారి సభలో 14 కీలక బిల్లులపై చర్చ జరగనుంది. అణుశక్తి బిల్లు, జాతీయ భద్రత, హెల్త్, ఇన్సూరెన్స్ మొదలైన కీలక బిల్లులపై చర్చ జరగనుంది. స్పెషల్ ఇంటెన్సివ్ రివిజన్ (SIR), ఓట్ చోరీ, ఢిల్లీ పేలుళ్ల అంశంపై సమావేశాల్లో చర్చించాలని కాంగ్రెస్ పట్టుబట్టనుంది.
మీటింగ్ అనంతరం కాంగ్రెస్ ప్రభుత్వంపై విమర్శలకు దిగింది. సమావేశాలను తక్కువ రోజులు నిర్వహించి తప్పించుకోవాలని చూస్తోందని విమర్శించింది.
పార్లమెంట్ శీతాకాల సమావేశాలు డిసెంబర్ 01 నుంచి 19 వరకు జరగనున్నాయి. ఇది ఇటీవలి కాలంలో అతి తక్కువ రోజులు మాత్రమే జరిగే సెషన్స్ లలో ఒకటి కానుంది.
