సూపర్ హిట్ కాంతార(Kantara) సినిమాకు సీక్వెల్ తెరకెక్కుతున్న విషయం తెలిసిందే. ఇటీవలే ఈ సినిమా షూటింగ్ కూడా మొదలైంది. ఇదే విషయాన్నీ అధికారికంగా ప్రకటించారు దర్శకుడు రిషబ్ శెట్టి(Rishab shetty). ఆ సందర్బంగా రిలీజ్ చేసిన అనౌన్స్మెంట్ వీడియోకి నేషనల్ వైడ్ ట్రెండ్ అయ్యింది. దీంతో కాంతార సీక్వెల్ పై అంచనాలు భారీగా పెరిగిపోయాయి.
@shetty_rishab @hombalefilms I've learned that auditions are being held for Kantara Chapter 1. I am eager to contribute to this esteemed project. My recent film, Magalavaaram, has garnered significant praise for my performance. I would appreciate if you could spare some time to…
— paayal rajput (@starlingpayal) December 12, 2023
ఇదిలా ఉంటే.. అందరిలాగే కాంతార సీక్వెల్ పై తన ఇంట్రెస్ట్ ను చూపించారు మంగళవారం బ్యూటీ పాయల్ రాజ్ పుత్. ఇటీవలే కాంతార సీక్వెల్ కోసం ఆడిషన్స్ నిర్వహిస్తున్నాం అంటూ నోట్ రిలీజ్ చేశారు మేకర్స్. ఆ నోట్ కు రిప్లయ్ ఇస్తూ.. నాకు ఒక అవకాశం ఇస్తారా అంటూ మేకర్స్ ను అడిగేసింది పాయల్. ఇందులో భాగంగా ఆమె రాస్తూ.. కాంతార చాప్టర్ 1 కోసం ఆడిషన్స్ జరుగుతున్నాయని తెలిసింది. ఈ ప్రెజెక్టు లో నటించడాన్నికి నేను ఆసక్తిగా ఉన్నాను. మంగళవారం సినిమాలో నా నటనకు మంచి పేరు వచ్చింది. మీరు కూడా ఆ సినిమా చూస్తే నేను సంతోషిస్తాను. దయచేసి ఆడిషన్స్ కోసం నాకు కాస్త సమయం ఇవ్వండి.. అంటూ రాసుకొచ్చారు పాయల్. ప్రస్తుతం పాయల్ చేసిన ఈ ట్వీట్ సోషల్ మీడియాలో వైరల్ గా మారింది. మరి పాయల్ చేసిన ఈ రిక్వెస్ట్ కు కాంతార 2 మేకర్స్ ఎలా స్పందిస్తారో చూడాలి.
