భద్రాద్రి కొత్తగూడెం, వెలుగు: భద్రాద్రి కొత్తగూడెం జిల్లా కొత్తగూడెం టూ టౌన్ పోలీస్స్టేషన్ పరిధిలో ఇటీవల నమోదైన పోక్సో కేసులో బెటాలియన్ కానిస్టేబుల్ వెంకటేశ్ను అరెస్ట్ చేసినట్లు డీఎస్పీ ఆదినారాయణ శుక్రవారం తెలిపారు. కొత్తగూడెంలోని టూ టౌన్ పోలీస్ స్టేషన్ పరిధిలో ప్రేమ పేరుతో బాలికను నగరంలోని పాత డిపో ప్రాంతంలోని ఓ గదిలోకి తీసుకెళ్లి కొందరు లైంగిక దాడికి పాల్పడినట్లు ఆయన పేర్కొన్నారు. ఈ ఘటనపై ఈ నెల 11న పోక్సో కేసు నమోదు చేసి పలువురిని అరెస్టు చేశామన్నారు. ఈ కేసులో ఏ6గా ఉన్న కానిస్టేబుల్ వెంకటేశ్ను కూడా అరెస్ట్ చేసినట్లు వెల్లడించారు.
