చందు కోడూరి హీరోగా నటిస్తూ దర్శకత్వం వహించిన చిత్రం ‘ప్రేమలో’. చరిష్మా శ్రీఖర్ హీరోయిన్. శివాజీరాజా, మధుసూదన్ రావు ఇతర పాత్రలు పోషించారు. రాజేష్ కోడూరి నిర్మించారు. రిపబ్లిక్ డే సందర్భంగా జనవరి 26న సినిమా విడుదల కానుంది. ఈ సందర్భంగా సోమవారం ట్రైలర్ లాంచ్ ఈవెంట్‌‌‌‌‌‌‌‌ను నిర్వహించారు. చందు మాట్లాడుతూ ‘హీరోగా నటిస్తూ డైరెక్ట్ చేయడం చాలెంజింగ్‌‌‌‌‌‌‌‌గా అనిపించినా, అందరి సపోర్ట్‌‌‌‌‌‌‌‌తో ఈ చిత్రాన్ని రూపొందించా.
ఇందులో భారీ తారాగణం, ఎలివేషన్స్, టెక్నీషియన్స్ లేరు.. కానీ భారీ ఎమోషన్స్ ఉన్నాయి. కథలో బలం ఉంది.. కాన్సెప్ట్‌‌‌‌‌‌‌‌లో దమ్ముంది. ఎమోషన్స్ పండించాలంటే బడ్జెట్ ఉండాల్సిన పని లేదని నిరూపించాం’ అని చెప్పాడు. చందు పడ్డ కష్టానికి ఈ చిత్రం విజయం సాధించాలని కోరారు శివాజీ రాజా. నటుడు భోగిరెడ్డి శ్రీనివాస్, సంగీత దర్శకుడు సందీప్, లిరిక్ రైటర్ సత్య పాల్గొన్నారు.
