యూఏఈ వేదికగా మరికాసేపట్లో ఆసియా కప్ ప్రారంభం కానుంది. క్రికెట్ ఫ్యాన్స్ కు మరో 20 రోజుల పాటు ఆసియా కప్ కిక్ ఇవ్వనుంది. సెప్టెంబర్ 9 నుంచి ప్రారంభం కానున్న ఈ కాంటినెంటల్ టోర్నీ సెప్టెంబర్ 28న ముగుస్తోంది. యూఏఈ లోని రెండు వేదికల్లో మ్యాచ్ లన్నీ జరగనున్నాయి. నేడు (సెప్టెంబర్ 9) తొలి మ్యాచ్ లో గ్రూప్-బి లో ఆఫ్ఘనిస్తాన్ తో హాంగ్ కాంగ్ తలపడనుంది. ఇండియా తొలి మ్యాచ్ బుధవారం (సెప్టెంబర్ 10) న ఆడనుంది. ఆసియా కప్ ముందు ACC (ఆసియా క్రికెట్ కౌన్సిల్) ప్రైజ్ మనీ వివరాలను ప్రకటించింది. ఆ వివరాలను ఇప్పుడు చూద్దాం..
ఆసియా కప్ లో విజేతకు నిలిచిన జట్టుకు రూ. 2.6 కోట్ల ప్రైజ్ మనీ దక్కనుంది. 2023 ఆసియా కప్ ప్రైజ్ మనీ కంటే రెండు రెట్లు ఎక్కువ. 2023 లో ఆసియా కప్ లో విజేతగా నిలిచిన భారత జట్టుకు రూ. 1.5 కోట్ల రూపాయలు ప్రైజ్ మనీ దక్కింది. ఇక రన్నరప్ గా నిలిచిన జట్టుకు విజేతలో సగం అంటే 1.3 కోట్ల రూపాయలు లభించనున్నాయి. 2023లో రన్నరప్ శ్రీలంక రూ. 82 లక్షలు గెలుచుకుంది. ప్లేయర్ ఆఫ్ ది సిరీస్ గెలుచుకుంటే 12.5 లక్షలు లభిస్తాయి. ఓవరాల్ గా గత ఎడిషన్ తో పోల్చుకుంటే ఆసియా కప్ ప్రైజ్ మనీ రెండు రెట్లు పెరిగింది.
దుబాయ్ వేదికగా దుబాయ్ ఇంటర్నేషనల్ క్రికెట్ స్టేడియంలో సెప్టెంబర్ 14న ఇండియా, పాకిస్థాన్ మధ్య జరిగే హై-వోల్టేజ్ మ్యాచ్ ఈ టోర్నీకి ప్రధాన ఆకర్షణగా మారనుంది. మొత్తం ఎనిమిది జట్లు పోటీలో ఉండగా.. గ్రూప్–ఎలో ఇండియా, పాకిస్తాన్, యూఏఈ, ఒమన్.. గ్రూప్–బిలో శ్రీలంక, అఫ్గానిస్తాన్‌, బంగ్లాదేశ్‌, హాంకాంగ్‌ బరిలో నిలిచాయి. దుబాయ్, అబుదాబి వేదికలుగా ఓవరాల్‌‌‌‌‌‌‌‌గా 19 మ్యాచ్‌‌‌‌‌‌‌‌లు జరుగుతాయి.
8 గంటల నుంచి మ్యాచ్ లు:
ఆసియా కప్ మ్యాచ్ లు భారత కాలమానం ప్రకారం రాత్రి 8 గంటలకు ప్రారంభం కానున్నాయి. మొదట ప్రకటించిన షెడ్యూల్ ప్రకారం ఆసియా కప్ మ్యాచ్ లు రాత్రి 7:30 నిమిషాలకు ప్రారంభం కావాల్సి ఉంది. మరో అరగంట పెంచి కీలక మార్పు చేసింది. సెప్టెంబర్ 15న అబుదాబిలో యుఎఇ, ఒమన్ జట్ల మధ్య జరిగే మ్యాచ్ ఒక్కటే సాయంత్రం 5:30 గంటలకు (స్థానిక సమయం సాయంత్రం 4:00) గంటలకు ప్రారంభమవుతుంది. యూఏఈలో అధిక ఉష్ణోగ్రతల కారణంగా ఈ నిర్ణయం తీసుకున్నట్టు తెలుస్తోంది.
లైవ్ స్ట్రీమింగ్ ఎందులో చూడాలంటే..?
ఆసియా కప్ లైవ్ టెలికాస్ట్ ఇండియాలోని సోనీ స్పోర్ట్స్ నెట్‌వర్క్‌లో ప్రత్యక్ష ప్రసారం అవుతాయి. సోనీ లైవ్ ఆప్ లో లైవ్ స్ట్రీమింగ్ వెబ్ సైట్ లో అందుబాటులో ఉంటుంది.
